بخ ازيكم يا حبايبي يارب تكونو كلكو بخير وسعادة وعن الهم والحزن واخدين أجازة
احم احم بقيت بقول شعر
طبعا كلكو داخلين تشوفو ايه الوصفة الي ممنوع الأقتراب او التصوير دي
بصراحة ومن غير ضرب هي جامدة جداااااااا والي مش قدها ما يجربهاش
طبختنا النهاردة هي بطاطس …. اه البطاطس بقيت عندي طبخة
بس ايه بئا لأحلى ولا أطعم من كدا هتاكلو صوابعينكو وراها خفة ايه وطعامة ايه وحلاوة ايه
انا من ادماني فيها بعملها كل يوم …
طيب كفاية رغي كدا انا بقول كدا بردو
تعالو بئا اسمعو الوصفة
المقادير
بطاطس بأي عدد تحبيه وبقدونس وفلفل احمر وأخضر وبهارات ملح وفلفل وزعتر ونستخدم زبدة او سمن براحتكم
هي دي بس اااااااااه هي بس شوفتو توفير اكتر من كدا
الطريقة بئا
اول حاجة نجيب البطاطس انا كان عندي بطاطس صغيرة غسلتها وقشرتها وغسلتها تاني
وقطعتها مكعبات صغيرة
بعد كدا تجيبي الطاسة او الحلة وتحطي فيه قطعة السمن او الزبدة زي ما تحبي وتحطي فيها البطاطس وعليها رشة ملح وفلفل اسود
والزعتر لو مفيش مش مشكلة
واسيبها ع نار هادية بس كل شوية ابص عليها وااقلبها علشان ما تلزقش وفي الوقت دا ااقطع الفلفل قطع صغيرة اوي
وااقطع البقدونس
بعد كدا لما تلاقي البطاطس لونها اتغير وتحسي انها طريت شوية ضيفي عليها 4 او 5 معالق ماية بالعدد دا بس
وغطيها ووطي خالص عليها لحد ما تستوي وتشرب الماية وخدي بالك منها لحسن تلزق زي ما عملت انا
وبعدين بئا اول ما تستوي وتطفي عليها ضيفي بئا الفلفل والبقدونس وغطي عليهم شوية
واغرفيها في الطبق بئا
وبالهنا والشف شايفين زي العسل ازاي
كل واحدة تاخد معلقة واحدة بس
والله انا لو منكم هديها 500 تقيم مش تقيم واحد
عاااااااااااااااااااااااا قولو رأيكو
و
عاااااااااااااااااااااااا قيموااااااااا
يالا فتكو بعافية
مواضيع هذا القسم برعاية
soso lolo love soso lolo love 681775_29.gif فتكات رائعة Fatakat 681775 في بيت بابا لحد لما يجي حبيبي الي لسا ما شفتهوش واروح اقعد في قلبه ^_^ – Egypt