السلام عيكم يااخواتى
انا لاحظت هنا فى المدونة ومن خلال وصفات الاكل والعزومات اللى كتباها الاخوات ومنزلين الصور بتاعتها عدم الاهتمام بنوعيه الشربه وهى بتعمل الاكل يعنى مثلا تعمل لحمه ورز وملوخيه مع ان شربه الفراخ هى الانسب للملوخيه
بصوا الاول نتكلم عن انواع الشربه والاكل المناسب لكل نوع :_
1_شوربه الفراخ والبط والوز والرومى
ا —ودى احلى حاجه للمحشى بكلل انواعه كرنب -ورق عنب -كوسه بتنجان
وناخد الزبد الصفرا اللى على الوش بتخلى المحشى ررررائع
وانا بلاقى اخوات بيسقوا المحشى بشربه لحمه لا مش بيبقى حلو جربوا شربه الطيور احسن ميه مرة
ب— شوربه الخضار برضه ببتتعمل من شوربه الفراخ مش اللحمه
ج—- الملوخيه اطعم بشربه الفراخ عن اللحمه
2_شوربه اللحمه ودى بيناسبها الطبيخ بالصلصه زى :
ا-لبسله – الفاصوليا -الكوسه — باميه – اللوبيا
3_اكلات تتعمل بشوربه الفراخ او اللحمه
ا_شوربه لسان العصفور تتعمل بشوربه الفراخ اواللحمه وبتبقه حلوه برضه
ب المكرونه المحمرة
خ- البشاميل للى بيحب يضيف له شوربه
د – الرز برضه لو حبين نضيف شوربه
يعنى لما نجيب لحمه او فراخ ننتقى الاكل المناسب له
وحاجه مهمه الشوربه الزيادة نحطها فى كيس ونحفظها فى الفريزر
طيب لو مفيش عندنا لحمه او فراخ نعمل ايه
طبعا نتصرف ونطلع كيس شوربه مناسب من التلاجه
اوعدنا لحمه وعايزين نعمل ملوخيه يبقى نطلع كيس شوربه فراخ من الفريزر
التكات دى بتبقى مهمه فى الاكل يعنى توضبى وتجهزى وتتعبى وتيجى على حاجه صغيرة تبوظى الطبخه
يا اخواتى جربوا المحشى بشوربه الفراخ ولو معجبكوش ابعتولى الحله وانا اوقوم بالواجب
اتمنى اكون افدتكم
فى رعايه الله مواضيع هذا القسم برعاية
بنت الامام بنت الامام 584561_8.gif سوبر فتكات Fatakat 584561 غريبه فى بلد مش بلدى – ارض الله الواسعه