بسم الله الرحمن الرحيم
حبايب قلبي ازيكم
وقفت وصفات الارز بتاعتي من قبل رمضان
عشان كنت عامله عمليه والحمدلله رجعتلكم اليوم بوصفه جميله جدا
الارز الكابلي بتلات الوان سهل وجميل والنتيجه روعه
ينفع في العزايم ويبيض الوجه دايما
انا كالعاده بعمل كميه لشخصين وانتي زي ما بقول دايما تزودي حسب افراد الاسره
الرز دا عملته باللحم المرة دي وينفع تعمليه بالدجاج ونفس النتيجه المشرفه
المقادير :
ربع كيلو لحمه ضاني هبره مع العظم
2 بصل كبير مفروم ناعم
2 طماطم مفروم ناعم
2 فص توووم
3 كاس ارز بسمتي
1 ملعقه كبيره صلصه طماااطم
2 ملعقه كبيره سمن
بهارات( كركم فلفل اسود كمون ملح ليمون قرفه قرنفل هيل )
بشر قشره برتقاله واحده ( مايعادل 2 ملعقه )
ربع كأس ماء كادي وملعقه صغيره زعفران
2 حبه بطاطامقطعه ارباع
ملح حسب الرغبه
ملعقه زبده لسلق الارز
الطريقه :
نسخن السمن في طاوة تيفال او نفس القدر الي هنعمل فيه الرز
ونحمر اللحم مع البطاطا تحمير بسيط من الوش وبس
ونشيلهم من السمن ونحطهم على جنب
وناخد السمن الي اتبقى منهم
ونرمي عليه البصل وكل البهارات بتاعتنا ماعدا الزعفران
ننقعه في مية الكادي عشان يحل ونسيبه على جنب
نحمر البصل شويه ونحط عليه الطماطم والصلصه ونقلب لحد ماتنشف ميتهم
ونحط نص ليتر ميه ونرجع اللحم
ونغطي القدر ونسيبه لحد ما اللحمه تستوي ساااعه ونص
ونشيل اللحم بعد مايستوي في صحن ونحطه على جنب
ونسقط البطاطا مكان اللحم هتلاحظي
ان الميه نقصت اوي سيبيها كده وماتزيدش ميه خالص
نجيب الرز ونسلقه في قدر تاني ونحط عليه ملح وشويه زبده ملعقه
وحده بس ونقلبه فوق البطاطا على المرقه الي استوى فيها اللحم
ونحط الزعفران المنقوع في مية الكادي كده في النص ونرجع اللحم ونغطي القدر
ونسيبه عشره دقايق على نار واطيه جدا ونطفي النار
ونسيبه 15 دقيقه يستوي في بخاره ويتدمس كويس
وبعدها نغرف بالطريقه دي ونحط اللحم على الوش وبالهنا والعافيه
صورة مقربه عشان الحبايب
وطبعا استمتعوا بالشاي بعد الوجبه وادعولي بالذريه الصالحه
اختكم / علووو مواضيع هذا القسم برعاية
عليـــا_ام احمد عليـــا_ام احمد 194864_21.gif Fatakat 194864 جده – السعوديه
سبحان الله و بحمده