السلام عليكم ورحمة الله وبركاته انا بكتب الموضوع للافادة فقط لاخواتى الفتوكات عشان تستفيدو زى ماانا بستفيد منكم انا الحمد لله وبفضله حملت اول مااتجوزت وطبعا الخبرة منعدمة ف كل حاجة كنت بروح للدكتور واللى بيقول عليه بعمله ولا كنت اعرف هولد امتى ولا ان لازم ارتب امور الولادة ولا اى حاجة لحد ماجه الشهر التاسع وكنت بتحرك كتير وبمشى كتير واستنيت بس بدون قلق لانى ماكنتش بحسب اوى وفجاة جالى الم شديد اسفل البطن بيروح وييجى كل نص ساعة ابتدى من العصر ومانمتش ليلتها من التعب روحت للدكتور قبل مانام وكشف نسا وماقاليش ان دى ولادة ولا امتى ممكن تولدى روحت البيت وانا مش عارفة اعمل ايه انا وجوزى استنيت للصبح اتصلت بوالدتى وهى ف محافظة تانية تيجى تاخدنى بس قريبة شوية روحت وانا مش مرتبة مع حد لولادة ولا اى شئ طبعا والدتى قالتلى مفيش حد يعرف انتى هتولدى امتى الا الداية اللى كانت بتولدنى دى مولدانى فيكو انتو الستة وانتى شيفانى زى الفل طبعا الغرقان بيتعلق بقشاية روحت معاها على اساس هتشوفنى وبس وهنطلع بعدها على اى مستشفى كل ده والوجع بيزيد بس عشان كنت بمشى ماكنتش بصرخ ولاحاجة بس تعبانة روحت للست اللى بتولد قالتى من غير ماتشوفنى من تحن روحى لسة بدرى لازم تيجى وانتى بتصوتى ومش ماسكة نفسك من الالم ياربى نفس كلام الدكتور قولتلها بس انا الوجع بيزيد وجالى دلوقت مرتين قالتلى لوجالك تانى وانا بكلمك هشوفك من تحت وفغلا الوجع جه تانى راحت شافتنى من تحت قالتلى دى ولادة وسهلة كمان يلا بينا انا طبعا تنحت لقيت والدتى بتقولى ماتخافيش لو فى حاجة مقلقة مش هترضى تولدك وروحت البيت على اعتقاد انها مش هتعرف تولدنى وهقدر اقف على رجلى واروح المستشفى ولقيتها بتقول لوالدتى تاكلنى بيض وبعدين دخلت راحت معلقالى جلوكوز الطلق اشتغل اكتر مبقتش قادرة اقوم من مكانى بس الدنيا هااصت حوالية وسامعة امى واخواتى وخالاتى بيتخانقو ازاى تعمل كدة وان لو جرالى حاجة هتبقى هى السبب وامى بتعيط والست اللى بتولدنى عمالة تدعى ربنا ان ربنا ينصرها ومايحصلش حاجة وانا بموووت من الالم وبعد ساعتين ونص من الصويت واللطم نزل الاستاذ اياد بس كنت خلااااااص مش قادرة اتكلم والست بتقول ان دى كانت ولادة سهلة وحمت ابنى والجيران لبسوه وكتبتلنا على ادوية زى الدكاترة بالضبط والحمدلله جوزى لما عرف قعد يزعق وحلف انه لو كان موجود كان اخدنى من تحت ايديها وودانى المستشفى بس النتيجة بقى من الولادة دى ان انا مااتخيطش من تحت وده عملى اتساع شوية الرحم فضل يالمنى لفترة كبيرة الم شديدده غير الامساك اللى قعد معايا كتير وسببلى البواسير وده من كتر الحزق الللى بتعتمد عليه الست دى ف الولادة ده غير بقى كمية التريقة اللى اخدتها من خلق الله كل مااحد يعرف انى ولدت ف البيت والحسد من اقرب الناس لى انى كويسة اهو بعد ماولدت وده طبعا اثر فى بعدين هحكيلكو المشاركة الجاية
doddo.doddy doddo.doddy فتكات هايلة Fatakat 954119 cairo – egypt