انا عايزه اولا اشكر كل البنات الى فى القسم ده بجد استفدت منكوا كتير اوى وبجد انتوا اجدع ناس وربنا يقومكوا كلكوا بالسلامه
ندخل فى الجد باه بصوا يا فتوكات انا ولدت بعد 17 يوم فى التاسع فى مستشفى توشيبا العربى الى فى شبرا هى مستشفى نضيفه اوى والتمريض فيها كويس ولدت مع دكتور اسمه احمد ابراهيم بس مكنتش متابعه معاه لكن فى فتوكه شكرت فيه هنا على المدونة وادتنى رقمه ورحتله بصراحه هو كويس جدا وصبور اوى وطبعا اخدت حقنة الضهر بس مشتغلتش معايا غير لوقت معين يعنى انا الميا نزلت عندى كانت الساعه 4 الفجر وبعدها الطلق اشتغل وروحت المستشفى الساعه 10 الصبح اول لما روحت خدتها اشتغلت لحد الساعه 5 وبعد كده عنيكوا متشوف الا النور لميت المستشفى عليا
انا مش عارفه دى غلطت الدكتوره الى ادتهالى ولا ايه المهم جوزى فضل يزعق علشان هو مدينى الحقنه علشان محسش بالطلق وعلى فكره الحقنه ب 600 ج وشدوا مع بعض هو والدكتوره هى شكلها صغير كده يعنى مش عارفه العيب منها ولا منين انا مش عايزه اظلمها المهم دخلونى وعملت واحده من اول وجديد بس مع دكتور تانى وبعدها دخلت على العمليات عدل طبعا الحقنه بتخليكى متحسيش بالجزء الى تحت كله حتى وهو بيفحصك وبيشوف الرحم فتح اد ايه بصوا الحقنه مبتحسيش بيها انا كل الى تعبنى فى العمليه هى الضغط على البطن علشان البيبى يخرج والله يكرمه مساعد الدكتور كان بيضغط بعزم ما فيه لحد ما جبلى شرخ فى الضلع وانا لابسه لحد دلوقتى حزام للضهر طبعا كانت تجربه متعبه وصعبه بس اول لما بتشوفى البيبى بتنسى كل حاجه وبتعملى كده
طبعا الى محتاجه حاجه او عايزه اى سؤال انا تحت امرها بس معلش لو اتاخرت فى الرد علشان خلاص مبقناش فاضيين للنت وعلى فكره انا ربنا رزقنى ب مازن حبيب قلبى ربنا يرزق كل واحده يارب ويقومكوا بالسلامه
نواره 22 نواره 22 فتكات هايلة Fatakat 696213 القاهره – مصر
سبحان الله و بحمده