ازيكوا يابناااااااااااااااااااات
انا ولدت الحمد لله وعدى الكابوس المرعب على خير هههههههههههههههه
احكيلكوا بقى خير اللهم اجعلة خير كان ميعادى مع الدكتور يوم 3-12 المفروض يحددلى اليوم ولما روحت قالى لا تعالى كمان 3 ايام احددلك انا خرجت من عندة معيطة ومتعصبة كنت خلاص تعبت عايزة اخلص بقى ومش مبطلة عياط طول السكة جوزى قالى تعالى نروح ونروح لمامتك بكرة قولتلة لا انا هاروح النهاردة لانى كنت عاملة حسابى انى اروحلها يعنى المهم روحت على مامتى وكنت منكدة احلى نكد ودخلنا كلنا ننما بليل اذ فجأة تن تن تن صحيت الساعة 2 بليل عندى مغص قولت عادى بيجى ويروح وفضل يجمد لحد الساعة 4 بقيت مش عارفة اتقلب ولا اتحرك من مكانى قولت لا فية حاجة غلط صحيت جوزى علشان يناديلى ماما وكان الوجع بقى فى بطنى وبيضرب فى ضهرى وباموووووووووووووووت كلمت الدكتور قالى حالا على المستشفى وكلم الطوارىء هناك روحت لقيتهم مجهزنلى كل حاجة الاول الدكتورة كشفت سونار وبعد كدة كشفت نساء يلهوووووووووووووووووووووووووى عذاب اقسم بالله لقيت الرحم خلاص مفتوح وانا كدة كدة هاولد قيصرى لانى عاملة حقن على ما وصل الدكتور اللى متابعة معاة لبسونى لبس العمليات ودخلت الاوضة نص ساعة كنت والدة الست هانم كارما زبلة صغيرة خالص هههههههههههههه ادعولى تكبر شوية احسن وزنها صغنن خالص
انا بس حابة اقول ان الولادة اسهل مما كنت اتخيل الايام اللى انا فيها دلوقت اصعب ولا راحة ولا نوم اطلاقا استعدوا من دلوقتى بقى
وبالنسبة للجرح بتاع القيصرى ولا الهوا خط بسييييييييييييييط خالص ربنا يقومكوا كلكوا بالسلامة يارب ان شاء الله
اى سؤال انا موجودة
اة انا ولدت فى مستشفى الشرق الاوسط فى سموحة مع دكتور هشام جلال
العيون الجميلة العيون الجميلة 140100_5.gif فتكات رائعة Fatakat 140100 الاسكندرية – مصر
سبحان الله و بحمده