اخواتى الفتوكاااات زملاء الكفاح والعزيمة هههههههههههه
اول مرة اكتب موضوع ف القسم دة واول مرة اساسا انزل طبخة
انا نويت والنية لله اعمل رجيم وماشية علية الحمد لله ربنا يثبتى بس واكمل ادعوووووووووووووولى
المهم انا مش عايزة احرم نفسى من حاجة كل الاكلات ممكن طبخها بطريقة تانية وتكون ف نفس الوقت طعمة ولذيذة وخفيفة وماتتخن وياريت نبطل بقى العادة بتاعتنا انك ماتقومى من السفرة الا لما تخلصى طبقك وتكونى اكلتى من كل الاطباق والاكل بدون ميعاد وف اى وقت وعدم تحديد الكمية وغيرها كتييييير
انا هاقولكو الاهم العزيمة ثم العزيمة ثم بنت خالتهم الارادة
نفسى اكل محشى قلت وماله ما انا ممكن اعملة بدون ارز او احط ملعقتين تلاتة بس على الخلطة لو عايزة دة يوم كان غدايا ارز مع خضار مسلوق فعملته كدة
اسيبكو مع الصور وانا موجودة وتحت امركو ف اى استفسار
البصل +ملعقة زيت زيتون ع النار ولا تسخنيهم
على طول بحط اللحم المفروم بدون اى تحمير او تقليب ف البصل عشان يبقى كله نى ف نى
وحطيت بهارات ( ملح +فلفل+كمون+جنزبيل+شعرة قرفة) وقلبى كويس
وياسلام لو شوى شطة فلفل احمر وقلبى كويس
نقلب على نار عالية لحد ماتنشف اللحمة (بتاخد 5 دقائق بالظبط)
وقطعى فلفل اخضر صغير جدا وحطية على اللحمة
شرائح بصل حلقات
حلقات طماطم وليمون
ونحشى الكوسة ونرصها ف الصينية
ونلفها بورق فويل ونحطها بالفرن على نار عالية لمدة 30 دقيقة
ودى بعد ما طلعت ريحتهاااااااا رهييييييييبة جدا
وبعدين حطيتها ف الشواية عشان احمر الوش شوى
ودة نصيب الغدا بتاعى وطبعا صحى ودايت وطعمة لذيذ جداااااااااااااااااا
نصيحة:* يبقى ليكى طبق واحد تحطى فية الكمية بتاعتك
* تاكلى بالشوكة عشان مايخلص بسرعة
* تشربى مية قبل الاكل
وأكلت محشى اهووووووووووووو ولو عايزة شوى ارز حطى ع اللحمة كام معلقة ارز مسلوق
وبالهنا يا قمراااااااااااااات وياريت تشجعونى عشان انزلكو اكلات الرجيم التانية بتاعتى ف الايام اللى جاية عندى جمبرى وسمك وفراخ مشوية وتونة
وسلطات كتييييييرة ……….. سلام مؤقت يا فتوكاات
ولا تنسو التقييييييييييم جزاكم الله كل خييير
مواضيع هذا القسم برعاية
Noor22 Noor22 515209_2.gif فتكات رائعة Fatakat 515209 جدة ( فخورة بانى مصرية ) – السعودية
سبحان الله و بحمده
