السلام عليكم ورحمة الله وبركاته
ازيكم يافتوكات
كل عام وانتم بخير
طبعا كلنا عارفين خطورة المياة الملوثة والامراض المنتشرة بسببها فى الفترة الاخيرة ودا بسبب ان المياة اللى عندنا فى الحنفية ملوثة ومش نضيفة.. وانا حبيت اقولكم ازاى ننقى المياة الملوثة دى ونحولها لمياة نضيفة ومعدنية تصلح للشرب من غير ماتغرمى نفسك كتييييير وكمان عشان تحافظى على صحتك وصحة اسرتك ..
المكون الاساسى هو الشبه البيضا
طبعا كلنا عارفينها.. بس اللى انتوا متعرفهوش انها حلوة جدا لتنقية مياة الشرب
اشترى ب3جنيه شبه بيضا وهتقعد معاكى فترة طويلة يعنى هتستخدمى القطعة لمرات عديدة
وكمان عشان تضمنى صحتك وصحة اسرتك
ندخل فى الطريقة
اولا هتحطى المياة اللى انتى عايزاها للشرب فى حلة غويطة زى دى
وهنجيب حتة شبه بيضا وملعقة كبيرة
ونحطها فى المياه ونلفها اربع خمس لفات بالملعقة ولاحظوا انها لو تركناها فترة فى المياة
هتغير طعمها لكن اللفات السريعة بتنقى ومش بتعطى طعم ونشيلها من المياه
وبعدها هنسيب المياة حوالى نص ساعة لحد ماترسب الاوساخ والرمل اللى فيها
وانا عندى تانك بحط فيه المياة وتلج عشان التلاجة مش تبوظ من الفتح والقفل
وببتدى احط المياة فى التانك بالراحة وبسيب اخر حبة فى الحلة عشان دول بيبقوا فيهم الرواسب
ودا شكل المياة بعد مارسبت كل القرف اللى فيها
شايفين السحب البيضا اللى فى المياة
انا قولت لازم اقولكم وربنا يعافينا كلنا ويشفى مرضى المسلمين
وعلى فكرة الشبه غير ضارة بالصحة
وامانة متنسوش التقييم لانى والله تعبت فى الموضوع
وياريت مشرفات القسم يثبتوا الموضوع لاهميته
رهيفةالمشاعر رهيفةالمشاعر 281501_1.gif فتكات متميزة Fatakat 281501 المنصورة – مصر