يا بنااات…انا الحمد لله حامل وربنا يتمم ليا ولكل واحده حامل علي خير ويااارب اكون ام…
انا حامل في الشهر التاني ونفسي مسدوده جداااااااااا.مش بطيق استغفر الله العظيم….الفراخ.اللحمه.الحمام.
ومش بطيق اشم ريحه الطماطم للاسف حتي ولا بغمسها مع حاجه ولا طبعا بحب الطبيخ بكللللل انواعه.ولما بروح المطبخ ببقي خلااااااص فاضلي حاجه بسيطه وارجع.وجوزي صعبان عليااا اوووووي لان مش بطبخ وهوا عارف ظروفي….انا يا بنات كل اللي بكله الصبخ كبايه لبن ولقمه بجبنه وبالعاااااااافيه.اللبن ده اقسم بالله بقفل مناخيري عشان مشمووض.مع ان كللل الحاجات دي كنت بحبهاا جداااا.وفي الغدا باكل شربه خضاار .وبالليل باكل برضو شربه خضار.انا كده بقالي اكتر من 20 يوووم مدخلش في بطني لقمه رز حتي.وجوزي لما عرف ان مش بحب الفراخ واللحمه والسمك .جابلي سماان.ولما قالي اطبخيلك اتنين كليهم.اتكسفت منه اوووي وروحت عملتهم واخدت حبايه الشهيه ولا كاني وخدهاهااا.واقسم بالله ما اكلت يومها غير الصدر من سمانه واحده .والكلام ده من اسبوعين.حماتي بتقولي اغصبي علي نفسك وكلي.وجيت اعمل زي ما قالت واكلت النص سمانه بطني كانت بتتقطع.وعرفت ان الحاجه اللي مش بحبهاا بطني هي اللي مش قبلاهاااا .انا خسيت جداااااا وحالتي النفسيه بقت تحت الصفر.دا غير الكوابيش والاحلام الوحشه اللي مش بتفارق عيني طول ما انا نايمه.والف حمد وشكر ليك يااارب .معرفش اعمل حاجه غير لما اكون مصليه وعمله اللي علياا ادام ربنا وبالليل بكون لوحدي بتفرج علي التليفزيون شويه وطوول الليل ببقي بقرا قران.مش عارفه بقي الكوابيس دي من ايه؟انا كنت عايزة اروح عند اهلي يمكن نفسي تتفتح شويه.بس الدكتور قالي التزمي ومتركبيش ولا تروحي ولا تيجي.لان اهلي بعيد عني .انا نفسي اكل كرشه اووووووي.واحنا في البلد هنا بنسال كل الناس لسه مدبحتش بيقولوا عشانالناس لسه عندهم لحمه العيد…هي دي الحاجه الوحيده اللي ممكن اكلها ونفسي فيهاا اوووي.ولما قولت لجوزي كانت الساعه تقريباا 3 بالليل .ساعتها هرشت في جسمي وصحيت الصبح لقيت جسمي كلللللللللله فيه حبوب لحد وشي برضو بقي فيه حبوب .والحمل اصلاا موحشني مع ان شكلي الحمد لله حلوو.انا يا بنات بقرف من اكلي جداااا مع ان مكنتش بحب اكل من ايد حد غير امي وحماتي واخت جوزي.يعني حتي لو الكرشه جتلي وعملتها .مش هاكلهاا.انا عايزة اكل من ايد حد تاني غيري .وطبعااا ده مش نافع لان انا بعيد عن اهلي .وروحت لهم قبل كده وانا حامل وسقطت عشان الطريق .انا تعبانه اوي يا بنات لدرجه ان بتخانق مع جوزي علي اتفه حاجه .عارفين بقوله ايه؟؟؟بقوله تعالي نبني في الارض اللي انت اشتريتهااا..عشان شقتي مش عجباني.مع ان كنت بحبها اووي بس دلوقتي مش شيفاها حلوة.وهي شقتين في بعض وطبعاا مش بنضفهااا .انا محافظه علي النضافه لان معنديش حد يعملي والحمد لله جوزي اللي بيقدر عليه بيعمله.انا بقالي شهرين يا بنات مخرجتش.غير هي مرتين لما روحت للدكتور اللي جنبنا.الدكتور منبه علياا ان منزلش ولا اطلع كتير ومانع العلاااقه.والحمد لله جوزي عمره ما قالي حاجه وهوا فاهم الوضع اللي انا فيه.انا نفسي اخرج نفسي من اللي انا فيه .وبقول كله يهون عشان خاطر بنتي او ابني اللي هييجي.والحمد لله علي كل شئ
ايوته يوته ايوته يوته سوبر فتكات Fatakat 1146353 بلاد الله الواسعه – مصر
سبحان الله و بحمده