بسم الله الرحمن الرحيم
انا من اسبوعين كنت كاتبه موضوع ( اللى جوزها عنده ضعف فى حركة الحيوانات المنوية وحملت تدخل )
وادي اللينك بتاعه https://fatakat.univanet.com/#5002839
انا الحمد لله الشهر ده طلعت حامل وربنا كرمنى رغم ان جوزي ملهوش شهر بادئ فى العلاج والدكتور كان قايله ان الجرعه 3 شهور ومن بحثى على النت عرفت ان موضوع بطئ حركة الحيوانات المنويه بيطول فى علاجة وكمان فى ناس بتقول ان ملهوش علاج وملهوش حل غير الحقن المجهري
بس الحمد لله ربنا رزقنا بالحمل من اول شهر فى العلاج من غير لا عمليات ولا وجع قلب
رغم ان ده اكتر شهر مكنتش حاطه في دماغي حمل ومكنتش متوقعه بس ارادة ربنا فوق كل شئ
المهم بقى انا عايزة اقول لكل واحده جوزها عنده نفس المشكله انها تتفائل وان شاء الله خير والموضوع علاجة بسيط وكل حاجه ليها علاج
انا لما كتبت الموضوع الاولاني كان نفسي حد يدينى امل واحس ان الموضوع علاجة سهل بس تقريبا كل اللى ردوا عليا كانوا زي حلاتى اجوازهم لسه بيتعالجوا فانا حبيت ابشرهم ان الحمد لله العلاج جاب نتيجة وربنا كرمنى بالحمل رغم ان حركة الحيوانات المنويه كانت صفرررررر
يارب الموضوع يكون افادكم
ادعولي ربنا يتمملى حملى على خير
وربنا يرزقك كل مشتاقة بالذرية الصالحة عاجلا غير اجل ياااارب
ولو عجبكم الموضوع وشايفين انه مفيد قيموا عشان يتثبت وناس كتير تشوفة وتستفاد
سبحانك ربي 5555 سبحانك ربي 5555 1059088_1.gif فتكات نشيطة Fatakat 1059088 اسيوط – مصر ام الدنيا