السلام عليكم ورحمه الله وبركاته
مساء الخير ازيكم ياحلوين انا جيت اقولكم انى ولدت الحمد لله يوم 22/2 عشان تباركولى
واحكلكم ايه الى حصل الاول انا الحمد لله ربنا رزقنى ب الانسه لى لى(الاء) ها ايه رايكم
فى الاسم بجد بصو بقا الى حصل يوم الاربعاء الصبح الساعه 5.30 وانا نايمه فجاه لقيت مايه نازله كتييييييييييييييييير جدا اتخضيت جوزى قالى فى ايه قلتله تقريبا بولد قالى طب نعمل ايه الوقتى قولتله هنستنا شويه احنا لسه بدرى واكيد الدكتور نايم طبعا انا معرفتش انام وخفت وقلبى وجعنى اوى والله قمت خلصت المطبخ وقعدت اقرا قران شويه والميه نازله وفجاه حسيت بوجع بيروح ويجى فين وفين الساعه بقت 8.30 كلمت مراه خالى اسالها قالتلى لا انتى تكلمى الدكتور حالا جوزى كلمه قاله هاتها المركز الوقتى واخدت شنطتى وروحت انا وجوزى وحماتى ومراه خالىوصلنا هناك الساعه 10 واستنيت لما الدكتور جه الضهر وانا طبعا الوجع بيزيد وكشف عليا وقال للمرضه تاخد حقنه مش عارفه اسمها ايه هى اكيد تحمى الطلق عشان الوجع زاد بعدهاقولتله هولد امتى قالى لا لسه بدرى هنستنى عشان تولدى طبيعى وولد تلاته وانا مستنيه الفرج
وانا الوجع بيزيد كل شويه ومش طايقه حد يكلمنى من الى قاعدين معايا كان فاضل دقيقه واقوم اطردهم واقولهم حد ينده للدكتور يقولولى صوتى الاول عشان يعرفوا ان الطلق اشتغل ويدخلوا يكشفوا عليكى اقولهم منا ممكن اصوت من غير وجع خلصووووونى اصل انا شطوره ومصوتش كتمت الصوت جوايا ها ايه رايكم فيا المهم الدكتور وهو بيولد وانا اقول لاختى اندهيله تقولى والله مش بره ده فى العمليات اقوم من السرير اشوفه بره واخد لفه فى ا لمركز وارجع تانى مش مصدقاهم بتاكد كنت حاسه انى هبيض مش قاعده على بعضى خالص الدكتور جه بعد العصر كشف عليا قالى الحمد لله هانت خمس دقايق وادخلك العمليات وانا ساعتها كنت حاسه براس هتنزل وبرده مصوتش شطووووره ياناس هههههههه وفين وفين دخلت العمليات عارفين طبعا الى حصل جوا موقف مش لذيذ خالص واخدت حقنه البنج وبح خلااااااص معرفش ايه الى حصل بعدها
الا وهما بيفوقونى فى الاوضه وبيقولولى خلاص ولدتى ياهدير اقولهم لا لسه والله يابنتى ولدتى احط ايدى على بطنى اقولهم والله لسه وجابولى لى لى عشان اشوفها واول سؤال اساله هى بيضه ولا سمرا بس تصدقوا الطبيعى انا كنت خايفه منه بس الحمد لله هو شويه الوجع الى قبل الولاده وبس الناس الى ولدوا معايا قيصرى بعد ماخرجو من العمليات وهما بيصوتوا وطول الليل ياعينى وانا اقل حاجه الحمد لله قمت مشيت لوحدى والوتى مش تعبانه اكيد زى القيصرى
معلش اسفه والله طولت عليكم بس حبيت احكى كل حاجه المهم بقا عندى استفسار صغير
شوفتوا الرخامه بقا معلش هو انا المفروض ارضع لى لى كل لما تعيط ولا قد ايه صدرى يبنات هيموتنىىىىىىى بس برضعها منه برده امبارح كان اليمين محجر ومتعور ورضعتها منه الحمد لله خف شويه بس لسه الوجع برده والشمال النهارده نفس حكايه اليمين اعمل ايه عشان الوجع ده
معلش ياحبيبى طولت عليكم يلا قولولى ايه رايكم فى اسم الاء وادعولها وكله يحضر الهديه انا قلت اهووه هههههههه ربنا يقوم كل الحوامل بالسلامه ويرزق كل مشتاقه ياااااااارب
والسلام عليكم ورحمه الله وبركاته
ام مرحبا ام مرحبا 450902_7.gif فتكات متميزة Fatakat 450902 دمياط – مصر