ازيكو يا بنات
انا النهارده عملتلكم الصلصه على طريقه تيتا الله يرحمها
لان خلاطى وقع من ايدى واتكسر
ما شاء الله عليا مبوظه لماما لحد دلوقتى كبه وخلاطين
ربنا يخلينى ليها واكسرلها ههههههههههه
يعنى انا يا بنات سبكتها باوائل الطرق اللى اخترعوها لتصفيه الطماطم
وانا ومن مكانى هذا ومن على الكرسى بتاعى بشكر الظروف اللى خلتنى اكسر الخلاط واجرب الطريقه دى هههههههههه
لانى اكتشفت كذا ميزه للطريقه دى بجد
والله يا بنات الطماطم بالطريقه دى مش بتاخد مكان خالص فى الفريزر ما شاء الله
وتنفع بالذات عشان زنقات رمضان وكده
انا اول حاجه جيبت طماطم وغسلتها كويس اهه
وبعدين قومت حطاها فى حله على البوتاجاز
وحطيت معاها نص كوبايه ميه بس وملح
متنسيش الملح لانه هو اللى بيسرع عمليه دوبان الطماطم ودبلانها وكمان مش تزودى الميه خالص
لان هى كده كده هتنزل ميتها بمساعده الملح وهتغرق المنطقه ههههههههههه
معلش بقى مصورتش خطوه وهى على البوتاجاز
بس الصوره اللى جايه دى هتوضح انا بخليها على النار لدرجه ايه
بصوا لدرجه ايه ؟
لدرجه ان معالمها بتروح خالص هههههههه
بتبقى طريه جداااااااااااااااااااااااااااا
اهه
شايفه منظرها عامل ازاى
اقعدى اعصرى فيها بقى يا وزه بكل قوتك لحد ما توصلى
لحد ما توصلى للمنظر ده هههههههههههه
ودى كانت اخر حاجه شوفتها من الطماطم المحترمه بتاعتى هههههههههههههه
وبعد ما بعصرها بحطها على البوتاجاز تتسبك تانى جداااااااااااا خااااااااااااااااااااااااااالص ماااااااااااالص
لحد ما تكش وتبقى بالمنظر اللى جاى ده
بصوا
نعومه وجمال مفيش بعد كده
والاحسن من كده بقى انك تفرزيها فى الفريزر مش بتاخد مكان خالص
مش زى اللى معموله فى الخلاط
لانك بتصفيها وبعدين بتسبكيها تانى تسبيكه محترمه
فبيبقى معاكى
(( الخلاصه بس ))
وما شاء الله نتيجتها ممتازه ومعلقتين تلاته بس بيخلولك الطبخه حمرااااااااااااااااااااا يا قوطه ههههههههههههههه
ومتنسيش انك مملحاها
يعنى تقللى ملحك جدا فى الطبخه
فهمانى
لانك لو حطيتى نفس كميه الملح المعتاده
هتلاقى نفسك بتاكلى مش بلدى من احسنها زلعه فيكى يا مصر
هنا انا كان عندى برطمان مربى فاضى
حطيت اللى اتبقى منى فيه بعد ما اخدت للطبخه بتاعتى
شوفوا الجمال
انا عارفه انها لفه طويله عليكم
بس فعلا دى احسن طريقه لتصفيه الطماطم انا جربتها
واهم حاجه انها مش بتاخد مكان فى الفريزر لان دى مشكلتى الوحيده
مش بلاقى مكان اخزن فيه الشوربه ولا الطماطم
ادعولى دعوه حلوه كده بقى
لانى انا ما شاء الله عندى مجموعه كروب مختلفه
والتقييم يا حاجه
كله كوم والتقييم ده كوم تانى
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر