السلام عليكم يا فتوكات يا حلوين
انا بترعش اوى ومضطربه ايوه الدنيا برد بس ما بترعش من البرد لكن لانى اول مره اكتب فى حياتى عن الطبخ
لانى خيبااااااانه جدا جدا رغم انى زوجه ونفسى اتعلم الطبخ منكم
رغم انى باعمل الوصفه بالتمام لكن الطعم بيطلع اعععععع اعوذ بالله
ههههههههههههههه
المهم
الحاجه الوحيده الى باعملها وبتطلع ملهاش حل هى وصفه اعطتها لى اختى نفذتها كذا مرة وطلعت الفراخ جناااااااااااااااااان
واسمها شوى الدجاج بالزبادى والزعتر
تجيبى الدجاج المقطع الى وراك وصدور
وتغسليه طبعا كويس زى العادى
وتاتى بعلبة زبادى واحده او اثنين على قدر حجم الدجاجه
ثم تضيفى الى الزبادى ثلاث او اربع فصوص ثوم مبشورين مش مقطعين عشان النكهه تكون احلى وعليهم ملعقة صغيرة زعتر
وتضيفى البهارات بتعتك مثلا فلفل وملح وممكن هيل مطحون
وتخلطى الكل مع بعض كويس
ثم تاتى بصينية وتبداى بدهن الدجاج من جوه وبره بالخليط يعنى تحت الجلد تضعى من الخليط وتدهنى من الخارج برده وترصى وراك الدجاج فى الصينيه بدون وضع زيت او سمن انتى مش محتاجه لده
وتضعيها على نار هادئه الاول على البوتاجاز لمدة من عشر دقائق الى ربع ساعه
ثم تدخليها الفرن وهى مغطاه بورق الفويل وبصراحه انا لما عملتها من وضعت ورق الفويل
وبرده طلعت جنان الحمد لله
والى عندها نظام بوتاجازها فرن من تحت وشوايه من فوق تضع الصينية فى الرف الثالث وتشغل النار من فوق يعنى الشوايه وتتركها على نار متوسطه ساعه تقريبا
ستلاحظى انها سوف تحمر من فوق اقلبيها على الوجه الاخر
ولالالالالالازم النار تكون مش مرتفعه عشان تستوى كويس
جربوها صدقونى زوجى فى كل مرة باعملها بيعتقد من كثر رائحتها الرائعه ومن كتر ماهى مستويه على الاخر وطعمها ونكهتها بيتعقد انى جايباها من مطعم
جربوها وهتدعولى ان شاء الله
مواضيع هذا القسم برعاية
(دموع) (دموع) فتكات نشيطة Fatakat 79094 مصر – مصر