يا فتوكات انا متجوزه بقالى 5 شهور وحسيت بتعب ورحت للدكتور بعد جوازى ب 3 شهور ولقيت كيس مايه على المبيض اليمين وقالى خدى حبوب منع الحمل جنيرا وخدتها ورحتله الشهر ال بعده قالى الحجم قل شويه خديها شهر تانى وخدته وانا متضايقه اوى لانى لسه عروسه وباخد منع حمل وانا نفسى فى بيبى اوى المهم رحتله من يومين قالى الكيس حجمه زى ما هو وكمان ظهر واحد تانى على المبيض الشمال والكيسين واحد حجمه 2 وحاجه فى 3 وحاجه وكيس 2 وحاجه فى 4 وحاجه وسبب الاكياس دى نشاط فى التبويض حتى سألنى انتى خدتى منشطات عشان الحمل وانا مش اخدت حاجه خالص
وقالى لازم كده نعمل عمليه بالمنظار قولتله الالم ال كان بيجيلى خف الشهر ده لدرجة ان كنت بفتكر ان الكيس راح وانا مش عايزه عمليه انا عايزه اخد فرصه اريح نفسى من حبوب منع حمل ال باخدها بقالى شهرين واسمع ان فى ناس بتحمل ع كيس المايه صح قالى صح بس ادى لنفسك فرصه شهر واحد محصلش حمل اعملى منظار
انا خرجت من عنده منهاره اوى وبعيط انا حاسه انى دخلت فى دوامه مش هطلع منها انا قررت مش اروح لدكاتره ابدا واسيبها على الله وفى دكتوره اعرفها قالتلى خدى منع الحمل 3 شهور تانى عشان الكيس يروح وعشان ميكبرش استحملى وخديه تانى وانا نفسيتى تعبت اوى
عايزه اعرف رأيكو يا جماعه لانى بجد تعبانه اوى ونفسيتى تعبت واللى ليها تجربه تنصحنى بأيه اخليها على الله ولا اعمل ايه وهل ممكن يكون كيس المايه ده عائق للحمل ومش هيحصل حمل الا لو راحت الاكياس دى وال تعبنى اكتر ان بقو 2 كيس على المبيض اليمين وواحد على الشمال
ادعولى بالله عليكم ربنا يرزقنى الذريه الصالحه
إحًسًٱسً طـفلــۂ إحًسًٱسً طـفلــۂ 261992_11.gif فتكات رائعة Fatakat 261992 cairo – egypt