بسم الله الرحمن الرحيم
بصوا يابنات مشاكل فى الحمل الانابيب والتبويض وهرمون اللبن لكن انا مش مش هحكيلكوا الحكايه علشان موجعش دماغكوا بسيرة ابو زيد بس بتاعتى اطول شويه علشان كده هحكيلكوا فصل الاتهابات بس
انا بس عايزة حد ينصحنى انا عندى حرقان فى منطقة المهبل من غير ريحة وحشه ولا احمرار بس حرقان كانك رميتى عليه ميه بتغلى
انا رحت ل7 دكاترة واخدت مع كل دكتور تقريبا كورسين من العلاج مضادات حيويه ولبوس وكريمات وعملت مزرعه وكوى وان نضيفه يابنات بجد ومن كتر الحكايه دى جالى وسواس قهرى من الحمامات يعنى انا بغسل الحمام كل شويه اكتر 7 مرات فى اليوم بالفنيك والكلور وكمان بغلى الغيارات واغسلها بكلور وايدى والملايات دابت من غسلها وجسمى نشف من الصابون والديتول وبنشف كويسواستخدم مناديل مش فوط وجربت انواع كتيرة من المطهرات وبقه عندى هيستريا واخر دكتور بيقولى اهتمى بالنظافه يالهوى دنا مبقتش اخرج من بيتى علشان مدخلش حمام حد علشان اخاف من الميكروبات
وساعات ميصدقنيش لانى معنديش افرازات
المهم انا رحت لدكتور تانى فوجئت انه كتبلى احلل بول وسكر تفتكرو انا عندى مرض مسبب الاتهابات دى وانا مش عارفه الى يعرف فيكو السبب بالله عليه يقولى ولا انا معنديش مناعه ولا فى ايه ومحدش يقولى نظافه
بس الحاجه الوحيده ان مش بقوم انظف نفسى من جوه بعد الجماع على طول لانى عاوزة احملوبشطف من بره بس وبعديه بيوم ببقه اغسل نفسى طيب اعمل ايه قولولى والى مستنيه الحمل زىى بتعمل ايه انا هتجنن والله لو شوفتو انا اخدت علاجات اد ايه هتعزرونى وكمان الالتهاباب دى انتقلت للانابيب طب من ايه افهم مش عارفه ومفيش دكتور بيرحنى مبخفش زى الناس سنتين بتعالج من شوية التهابات تدمرنى انا عندى ايه حد يساعدنى ويريحنى معلش تقلت عليكم
ozoo ozoo images/flowersavatars/avatar0028.jpg فتكات رائعة Fatakat 155085 أى مكان فى مصر المحروصه – مصر