السلام عليكم ورحمة الله وبركاته
في البدايه طبعا احب ارحب بكل عضوات الفرقين وعوزه اقولكم
اننا لازم يبقي عنينا علي هدف واحد طبعا اكيد مش الجايزه وبس
هدفنا يكون صحتنا
والموسم ده احب ارفع شعار
رشاقتي هي سر سعادتي
وعوزه اقولكم ان الرجيم مش حاجة صعبه
وياه مش هناكل كذا وهناكل كذا بالعكس
خديه طريقة جديده لحياه صحيه لعائلتك كلها مش لكي انتي بس
مش هطول عليكم نبتدي بقوه بشده بحزم باصرارا
علي النجاح والسعاده لنا طول العمر
الاسبوع الاول
رجيم 1200 سعر حراري
الفطار :-
1 – كوب شاي باللبن او نسكافيه (4/1 الكوب لبن فقط )
2 – بيضة او 3 ملاعق جبنه قريش او 3 ملاعق فول او شريحة جبنه مثلثات او 2 شريحة لانشو او شريحة جبنه رومي صغيره او كوب زبادي خالي الدسم او شريحة جبنه شيدر
3 – ربع رغيف بلدي او 2 توست دايت او 3 بقسماط دايت او رغيف سن صغير
الاسناك :-
بعد الافطار ب 3 ساعات
اما ثمره فاكهه او خياره او جزره او 10 ورقات خسه
الغذاء :-
1 – طبق سلطة( 1 خياره -1 طماطم – 4 ورقات خس او 2/1 جزره وفجل وجرجير- ثمرة فلفل رومي -كرفس وشبت و بقدونس و كسبره – بصله صغيره او وحده بصل اخضر )
2- 2قطعة لحمة احمر مسلوق او مشوي -او ربع دجاجة من الصدر بدون جلد مسلوق او مشوي – او 2سمكة مشويه -او 2بيضة – او علبة تونه مغسوله من الزيت بالخل و الماء -او 5 ملاعق جبن قريش – او ه ملاعق فول
3 – طبق خضار مسلوق او ني×ني ( اي نوع فيما عدا البطاطس – بسله -القلقاس )
4- 4/1 رغيف بلدي او2 توست دايت او رغيف سن صغير او 3 ملاعق ارز او 3 ملاعق مكرونه مسلوقه
الاسناك :-
بعد الغذاء ب ساعتين ثمرة فاكهه من المسموحه او كوب عصير لثمرة الفاكهة بقليل من اللبن الخالي الدسم او من غيره وبسكر دايت العشاء :-
اما 1 كوب زبادي خالي الدسم او 3 ملاعق قريش او 3 ملاعق فول او بيضة +ا خياره او ثمرة فاكهه
او طبق سلطة كبير
او طبق خضار ني * ني كبير
او 4 ثمرات فاكهه من المسموح بيها
التعليمات :-
1 – مسموح يوميا ب 2 ملعقة سكر طبيعي والباقي دايت
2 – ليكي كوب لبن خالي الدسم علي مدار اليوم
3 – الفاكهه المسموحة برتقال -تفاحة – او2 يوسفي – او كمثري –
او جوافة – او جوافه – او موزه – او نصف كانتلوبه او 2 شريحة بطيخ كبيره
4- يوميا المشروب السحري 3 مرات يوميا علي الريق وقبل الغذاء وقبل النوم
وهو مكون من نسب متساويه من( الشاي الاخضر – الجنزبيل – الكمون – الشمر – نعناع – روز ماري – ينسون )
بطحنو مع بعض ونحطهم في برطمان وناخد ملعقة صغيره من الخليط ونصب عليهم المايه المغليه ونغطيهم وقبل ما نشرب نحط عليه نصف ليمونه
5- ممنوع شرب اكتر من ملعقة نسكافيه وحده في اليوم
6 – المشروبات الغازيه ليكي وحده كانز في اليوم بس سفن اب دايت لان الببسي ممنوع
لان الكافين بيحبس المايه في الجسم وبيبطء الحرق
7- 3 لتر مايه علي الاقل يوميا 2 كوب قبل كل وجبه وبعد الاكل كوب يبقي هايل جدا
8 – المشي نصف ساعة يوميا علي الاقل حتي لو في المكان او انك تطلعي وتنزلي السلم بردو نصف ساعة متواصله
9 – الرياضة يويما نصف ساعه ايضا تمارين رياضة متحركة خاصة بمنتدي فتكات
10 – العشاء قيل النوم بساعتين دا شئ مهم جدا
11 – كل يوم خميس هتوزني نفسك وتحطي الوزن هنا في نفس الموضوع ده لان الموضوع ده هيغلق علشان هيبقي متجدد للانظمة والاوزان فقط
12 – ممكن لو شهيتك مفتوحة تاخدي كبسولة سليماكس 15 مجم
او سيبوتريم قبل الافطار بساعه او ابل لايت قرصين قبل كل وجبه .
13 – مهم جدا كمان لصحتك تخدي ملتي فيتامين ممكن تاخدي
هيمسي او هيما كابس او ثيرجران مدعم بالحديد يوميا قبل الافطار .
14- لتسريع الحرق بقي هناخد اما جريبكسون او نيو استر
( متخفوش الحاجات دي طبعيه كلها بس علشان تساعدنا في الاول)
ملحوظة مهمه
ان شاء الله الموضوع ده هيكون علشان الانظمة الغذائيه الاسبوعيه فقط
واخد الاوزان اسبوعيا هترسلوني بيها علي الخاص
وهيتم وضعها هنا بالموضع
لان طبعا دي مسابقه
واقل وزن هيتم استبعاده منها
ولازم في النهايه يكون في حد كسبان الجائزه
بس طبعا اكيد هيكمل معايا المشوار لحد الوصول لجسم مثالي
وسعاده ابديه
احبكم جدا في الله
غاده الصايغ غاده الصايغ 14731_2.gif مديرة الموقع Fatakat 14731 القاهرة – مصر