من فترة اشتغلت فى البيت جامد وكان عندى شغل كتابى كتير فحصلتلى مشكلة فى اعصاب ايدى طبعا انتم عارفين المصريين كل واحدة شغالة مفتى لنفسها والانسان طبيب نفسه والحاجات اللى تودى فى داهية دى المهم قلت ده من الشغل وهيروح بعد كام يوم من نفسه بس فضل معايا الوجع ده 3 شهور مش قادرة افتح حنفية ولاحتى اقلب ريموت التلفزيون فبدات افكر انى استعين بطبيب غير نفسى من اللى طفحو الكوتة فى الكلية 7سنين نيجى للمهم الدكتور كشف عليه وقالى انتى بتشربى نسكافيه مش كده قلتله مش كتير مرتين تلاتة فى اليوم قالى لا بطليه خالص النسكافيه ده مادة مصنعة وفيه 5مرات كافيين اكتر من المسموح به لجسم الانسان هم عاملينه كده علشان دعايته تبقى انه بيفوق الناس وكمان النسكافيه ممنوع دخوله امريكا قالى اشربى قهوة تركى عادية لو عاوزة وفعلا بقيت باعمل قهوة بالبن بدل النكافيه واتعودت على طعمها
من يومها نومى اتحسن كتير عن الاول وده شئ هو فعلا قالهولى كمان هو اكتشف موضوع النسكافيه ده من ردود افعالى الحادة والعصبية وقالى ان ده من النسكافيه بس انا كطبيبة نفسى شايفة ان العصبية من البلاوى الللى الواحد بيشوفها فى الدنيا انا برضه عصبية ده انا نسمة بس من نسمات الخماسين
انا بطلت النسكافيه بس المشكلة ان ضميرى واجعنى لانى كنت عودت ماما عليه وكل ما ازورها تقولى مش هتعمليلنا نسكافيه وطبعا حكيتلها ده كله بس الكيف بيذل صاحبه ربنا يستر جعلت امى مدمنة
ولما رميت طوبتها قلت احذركم يمكن تعملو زى وتعودو نفسكم على مشروب تانى
باى
همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر
سبحان الله و بحمده