ازيكم يا فتوكات يااااااارب تكونوا بخير
النهاردة حوريكم طريقتى الخاصة فى النجرسكو اللى انا بعملها يارب تعجبكوا
وحوريكم كمان معاها المكرونة بالبشاميل باللحمة المفرومة بس انا بعملها بالطريقة التقليدية
مافيهاش اى افتكاسات لان هى بصراحة طعمها تحفة من غير اى حاجة بس صورتها علشان تشوفوها
حنبدا بالنجرسكو
اول حاجة حنجيب لحم صدور فراخ مفرومة دول حوالى ربع كيلو
حنجيب بصلة متوسطة مفرومة مع فص توم مفروم نخلطهم مع الفراخ ونتبلها بالملح والفلفل وبهار فراخ او بهار شاورما انا بحط بهار شاورما بيخلى طعمها خطير بييجى من عند العطار اسمه كده ولونه اصفر
ومعلقة كبيرة خل ونسيبها فى التتبيلة دى 3 ساعات
بعد كده حنحطها على نار عالية واحنا واقفين وبنقلبها ولما تبدا مايتها تنشف حنضيف نص قرن فلفل
ونسيبها على النار لغاية لما مايتها تنشف خاااااالص بعد كده حنضيف نص طماطماية صغيرة مقطعة صغير
ويدوب تقليبتين بس ونشيلها من على النار وكده تبقى الحشوة جهزت
على فكرة الحشوة دى ممكن نحشى بيها فطاير او معجنات كمان
ونكون طبعا سلقين المكرونة وصفيناها دول نص كيس يعنى حوالى 200 جم
ونعمل البشاميل
وهو عبارة عن 3 معالق دقيق كبار ومليانين بحمرهم على النار مع معلقة كبيرة سمنة وبضيف الباقى زيت
وبعد ما الدقيق يستوى فى السمن والزيت بضيف اللبن شوية شوية واقلب بالمضرب السلك لازم السلك علشان ماتكلكعش
لغاية لما يبقى قوامها زى ما انتوا شايفين نضيف لها معلقة كبيرة جبن كاسات بطعم الشيدر وطبعا نضيف الملح والفلفل
ونسيبها لما تستوى ونطفى عليها
بعد كده نجيب القالب هى الكميات دى تعمل القالب ده حنحط طبقة بشاميل تحت
بعد كده نكون خلطنا المكرونة مع بشاميل نحط نصها
حنحط عليها صلصة مكرونة بجيبها معلبة جاهزة هى بتدى طعم تحفة للمكرونة
بعد كده نحط الحشو ونوزع جبنة موتزريلا
ونحط نص المكرونة التانى
ونحط طبقة بشاميل بس نتوصى بيها شوية يعنى نكترها
بعد كده ندخلها الفرن تستوى ولما يبدا الوش يتحمر بالشكل ده نطلعها ونوزع عليه جبنة موتزريلا ونحطها تانى فى الفرن
وده شكلها لما خلصت
بعد ما تطلع من الفرن على طول نغطيها بورق الفويل كويس اوى ونسيبها ربع ساعة
علشان نعرف نطلعها وتطلع متماسكة
يارب تكون عجبتكم يا قمرات المشاركة الجاية المكرونة بالبشاميل باللحمة المفرومة
يتبععععععععع مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة