السلام عليكم ورحمة الله وبركاته
ازيكم يا حبايبى عاملين ايه
انا كان عندى مشكله ونفسى تساعدونى
انا متجوزة من 3 سنين ونص والحمد لله ربنا رزقنى بابنى عنده سنتين ونص
وجوزى ضابط فطبيعة عمله انه بيسافر 15 ل20 يوم وينزل 7 ايام
وانا كنت عملت عمليتين ناسور شرجى ومن ساعتها وانا عندى التهابات مهبليه
وكشفت عند كذا دكتور يقولى بسيطه فطريات منكتر المضاد الحيوى ويدينى علاج ومجرد ما اخلص الجرعه ترجع تانى
وعملت متابعة تبويض الشهرده والحمد لله كانت كل حاجه كويسه بس جوزىمكنش موجود فروحت لدكتور تانى وادانى علاج تانى والحمد لله حسيت بتحسن
وكان جوزى موجود الشهر ده بس محصلش حمل بردو الشهر ده
فجوزى بقى زعلان وعمال يقولى ازاى مانا كنت موجود المرة دى فى فترة التبويض وازاى محصلش
يبقى لازم فيه مشكله وشدينا مع بعض فقولتله خلاص روح حلل عشان اريحه
انا بقوله مش معنى ان انت كويس وانا كويسه والمعاد مظبوط يبقى لازم يحصل حمل وكل حاجه باراده ربنا وان انت كدا بتعترض على ارادة ربنا
يقولى انا مش مقتنع يبقى فيه مشكله
وقولتله قبل كدا تعالى معايا عند الدكتور عشان تتاكد انى معنديش مشكله يقولى مش بحب دكاترة النسا
دا غير ان حماتى واخوات جوزى عمالين يزنو بطريقه فظيعه رغم ان اخر عمليه انا عملتها ف شهر 12
انا اسفه على الاطاله بس مليش غيركم انا مش عيزه اقول لماما عشان متزعلش منه ومش عارفه اعمل ايه ولا اقوله ايه
ام بودى العسولي ام بودى العسولي فتكات جديدة Fatakat 1246412 مصر – مصر
سبحان الله و بحمده