طبعا زيي زي كتير هنا تعبت من الريجيم وبقالي شهور بعمل ريجيم وبخس بصعوبة وكمان عندي تكيسات مصعبة نزول الوزن ..
انا راضية ومستسلمة وبعمل اللي عليا وبخس بطيئ بس الحمد لله بخس وخلاص حتى لو كل شهر كيلو ..
عندي بقى مشكلة ملهاش حل .. الدراعات .. تخينة جداااااااااااا جدا ومليانة دهون ومهما اخس ولا بيأثر فيهم ..
فقررت اعملت فيهم ميزوثيرابي او ليزر وقصدي ليزر مش التراساوند .. على الاقل عشان احس بان تعبي بيجي بفايدة وفيه امل .. وكده كده انا بعمل ريجيم وملتزمة بس كتشجيع ليا عشان اكمل ..
رحت عيادة في مدينة نصر دكتور معرفة واحدة صاحبتي بصراحة استقبلني كويس جدا وقعدنا حوالي ساعة او اكتر اسأل عن كل التفاصيل ويرد عليا ويشرحلي وجاوبني على كل اللي انا عايزاه .. وسألت على الميزوثيرابي والليزر ..
سعر الميزوثيرابي 300 جنيه .. بيتعمل حقنة كل اسبوع ومقدرش احدد انا محتاجة كام حقنة .. دي حاجة بتتحدد بالنتيجة .. بس اللي فهمته اني هحتاج كتير اوي .. وطبعا اعراضه الزرقان والورم والالم اللي بيستمر كذا يوم والشكشكة ..ونتيجته مابتكونش بالجلسة .. بتبقى باجمالي الجلسات في الاخر
وبالنسبة لليزر الكورس بيبقى 8 جلسات .. سعر الجلسة 700 جنيه ومش شرط اخد ال 8 كلهم .. بس ال 8 ده المثالي عشان النتيجة تكون مرضية ..والجلسة بتكون مرتين في الاسبوع .. يعني ال 8 دول في شهر .. وبيقول انه في الجلسه من 1 – 2 سم وممكن اكتر ..
انا حسيت انه ميال جدا لليزر وبيقول انه نتيجته افضل ومفيهوش شكشكة ولا الم ..
انا بصراحة محتارة جدااااااا ومش عارفة اعمل ايه .. لو عملت ال 8 بتوع الليزر في شهر التكلفة هتكون 5600 يعني ما يعادل 18 حقنة ميزوثيرابي يعني 4 شهور ونص ميزوثيرابي ..
محتارة جدا اعمل ايه فيهم .. انا باذن الله ناوية اعمل .. بس اعمل مين فيهم .. هو ده السؤال ..
انا بفكر بصوت عالي ومحتاجة رأيكم معايا ..
Red Line Red Line فتكات رائعة Fatakat 190937 الكويت – الكويت