السلام عليكم روحمه الله وبركاته
اللهم صل وسلم علي سيدنا محمدا وعلي آله وصحبه وسلم تسليما كثيرا عدد ما كان وعدد ما سيكون
النهارده عملت مندي وده نوع من انواع الكبسه السعودي بما اني قاعده في السعوديه وتغير في الاكل
النهارده المندي بالطريقه البيتي لانه في المحلات بيكون شغلانه كبيره ويطهي بطريقه معنيه
وده شكل طبق المندي البيتي بعد ما خلص
المقادير
ده متوقفه علي عدد افراد الاسره والكميه اللي بتتاكل
يعني مثلا انا بعمل اكل تكفي يومين علشان ارتاح تاني يوم
الكميات
2 فرخه مقطعه
حوالي نص كيلو بطاطس مكعبات
ربع كيلو جزر مكعبات
5 كوب اارز بسمتي
بهارات كبسه صحيحه
بهارات كبسيه مطحونه
طماطم عصير
انا ما صورت المقادير واول خطوات لاني مكنتش ناويه ارفع الموضوع وبعد كده صورت
الطريقه 3 مراحل
الفراخ حننقعها قبل بساعه في تتبيله بهارات كبسه وبصل مطحون
( قرفه ، زنجبيل ، فلفل اسود ، ملح ، حبهان، كركم ، كله مطحون )
وننق الفراخ ساعتين علي الاقل
ونقطع الجزر والبطاطس مكعبات
والرز ينقع قبلها بربع ساعه
الارز البسمتي الكويس الكوب بيحتاج 2 كوب ماء
المرحله الثانيه
الميه بتاعه الكبسه
بنشبر بصل ونحمره في سمن للي عامل رجيم يقلل السمنه كفايه معلقه لاني بعمل رجيم ومفيش دهون خالص بعد كده
ولما البصل تدبل نحط عصير طماطم حوالي نص كيلو
البهارت الصحيحه بتتحط واحنا بنحمر البصل لو مش بتحبي البهارات تطلعيها وانت بتاكلي حطي مطحون ولازم تضيفي ليمون الاسود الناشف ده بيدي طعم حلو اوي
ونحط عصير الطماطم تتسبك وبعد كده نزود مقدار الميه اللي حيتحط علي الارز
خمس اكواب رز حنحط عشر اكواب ميه لحد ما تغلي ونطفي عليها ونظبط الملح طبعا
بعد كده بنجيب صنينه كبيره نحط فيها الارز بع ما نصفيه من ميه النقع
ونحط عليه الميه بالطماطم اللي عملناها
ونغطي بورق المونيوم ونخرم ورق الالمونيوم بحرف السكينه
معلش كل ده مصورتش
بعد ما نخرج نحط الخضار المتقطع بالشكل ده
نرش شويه ملح وفلفل علشان الخضار ما يبقش دلع اوملحه قليل
وبعد كده نحط الفراخ المتبله قبلها لساعتين
وبعد كده نغطي بورقه المونيوم تاني ونقفل حوالين الصنيه كويس جدا لان الفراخ والخضار حيستوي علي البخار اللي خارج من الارز اللي تحت يارب تكوني فهمين قصدي
وهنا بقي حندخل الصينيه الفرن علي الشبكه ونخلي الشبكه علي اول درجه بعد لاصاجه
وتخلي بالك كويس يا فتوكه وانت تبشيل الصينه علشان فيها ميه مغليه بتاعه الرز
وتدخل الفرن مش حتاخد غير ساعه تقريبا وحتلاقي كل الخضار والفراخ ولا اروع
وهنا بعد ماخرجت من الفرن والبخار مالي الدنيا
معلش الفخد ده الجلده بتعته لزقت في ورق الالمونيوم علي فكره انا كمان كتير بعمل الفراخ من غير جلد خالص لزوم الرجيم بس النهارده كبرت شويه وبتبقي حلوه والله من غير جلد
وده الرز بعد ما شيلت ورق الالمونيوم اللي عليه الخضار والفراخ
وده طبق لاول فتوكه حترد وتقيم وتدعيلي كمان
طيب حاجه جميله علشان ناكل بيه الكبسه بقي البتنجان المخلل علي طريقه ماما ربنا يديها الصحه
مش عايزه حد يقولي هو في حد ما يعرفش يخلل البتنجان حقولكم علي سر جميل اوي معرفش تعرفوها ولا لا علشان تاكلوا احلي بتنجان
تحمروه ازاي
اولا تشيل بس الجزء الاخضر بتاع التنجان
وتحطي الطاسه علي البوتجاز
ولما الزيت يقدح تحطي البتنجان وتوطي النار خالص عليه يستوي علي نار هاديه جدا حتلاقيه بقي زي الملبن من جوا ومن برا
وتغطي كمان عليه علشان البخار يسويه كويس
والخلطه كمان علشان تبقي روعه انابحط ايه
ثوم
سماق
لو عندك بابريكا علشان تدي لون او فلفل احمر طازج حامي او بارد ي مابتحبي يكون احمر مش اخضر لان الاخضر بيسود
ملح كمون كتير
وعصير ليمون خل
وتخلطي كل ده وتحشي وهو سخن علي طول
وترصي في علبه كده زي علبتي او ستانسل او زجاج يكون افضل
وتغرقيه خل وليمون وحطيه في الثلاجه واسحبي منه حتدعيلي والله علي جماله
الليمون اللي عنده ميكرويف يحطي دقيقه بس في الميكرويف بص يقطعه انصاف
اللي معندوش يحطه في ميه سخنه وهو سليم خمس دقايق
علشان يطلع كل الميه وما يتعبك في العصر
ايه رايكم يارب يعجبكم اولا
ثانيا جمال الطبخ ده ان كلها في صنييه واحده مفيش كركبه ولا مواعين وعندنا الخضار واللحمه والارز كله مع بعض
محشد داقه علي فكره غير لما عجبته
جربوا وادعولي
بالله عليكم التقييم ورد السلام حتي علشان الموضوع يترفع لاني عملت كذا موضوع والفتوكات يدخلو ويخروجوا حتي من غير رد السلام وانا اللي برفع الموضوع
اي سؤال انا معاكم يا فتوكات
شجعوني علشان لسه عندي حاجات كتير
وانزلكم المر الجاي الكبسه بطريقه تانيه بواللحمه الضاني بس لو قدرتوا تعبي وعجبكم الموضوع
اشوفكم علي خير
السلام عليكم ورحمه الله وبركاته
مواضيع هذا القسم برعاية
ما لنا غيرك يا الله ما لنا غيرك يا الله فتكات رائعة Fatakat 249021 جده – السعودية