المندى بطريقتى الخاصه
لحمه ضانى فيها دهن لازم
توابل الكبسه الصحيحه(قرفه حبهان قرنفل وفلفل حصى)
بصله كبيره
فصين توم
المنكهات(ملح احادى جلوتاميت الصوديوم هو معزز نكهات)هو ده الى بيدى طعم المندى
ملح
ورق فويل
بجيب اللحم واتبله بكل الحاجات دى البصله اقطعها اربعه وبقسم التوم اتنين وتوابل الكبسه الصحيحه ومعزز النكهات والملح واقلب واضعه فى فويل وفى حله الضغط وشويه ميه فى الحله واسيبها براحتها الى ان تستوى ولو الميه نشفت وهوه نشف من جوه خلااص
مانشفتش باحطه فى الفرنيعنى وش اللحم تحمر شويه
وبس ياستى بس اهم حاجه يستوى لدرجه انك تحسى ان اللحم بتدوب كده
الارز
انا بجيب البصله وبصفرها برده ومع توابل الكبسه الصحيحه ماعدا الفلفل وبضيف الارز وزيت وبحاول اضع مرقه من الدهن الى فى اللحم اللى ساح ده اللى بيدى الارز الطعم واظبط الملح واسيبه يستوى
طبعا ارز بسمتى
صلصه المندى وانا ماعرفش اكله من غيرها
بجيب فصين توم
وطمطمايه حسب عدد الافراد على قليل من الخل ورشه ملح خفيفه واضربها فى الخلاط موش عصر لا زى ماتكون مفرومه او مبشوره ناعم مابحطهاش على النار خالص هيه كده
وياسلام لو اضفتى معاه فلفله خضرا حراقه او تقليها وتحطيها روعه
التقديم
بصى بقى تجيبى طبق كبير وتحطى الارز وفوقه فى النصف كده اللحم
مع طرنشات بصل موش كتير ممكن كمان بيضه مسلوقه وتقسميها نصفين
وماتنسيش الصلصه فى اطباق صغيره جنبها
وماتنسوش تقولولى رايكم ضرورى موش تاخدو الطريقه وتمشو من غير حتى ماتقولو وحشه مواضيع هذا القسم برعاية
جارة اليمن جارة اليمن 57591_6.gif فتكات غالية قوي Fatakat 57591 اخر بلاد السعوديه – السعوديه