إلى كل الفتوكات اللي شاركوا في موضوع
النجدة جوزي جاب ممبار
https://fatakat.univanet.com/#1388763
أشكركم شكرا جزيلا على ردودكم الجميلة والتي دفعتني نحو أن أنشأ هذا الموضوع
واللي المفروض كان يبقى موضوعه
أخيرا عملت الممبار
وأحب أحكيلكم عملته ازاي
طبعا بعد ما قريت واتفرجت على كل صورة وكل فيديو وكل شرح وكل طريقة جزا الله كل الناس اللي عملوها كل خير
أنا عملت الارز ني × ني ( حوالي كوب ونص رز + 2 طماماية مبشورين + 2 بصلاية مبشورين + 2 مكعب مرق مفتتين + 2 ملعقة كبيرة صلصة طماطم + خضرة بقى بالكمية المناسبة ، شبت وبقدونس وكسبرة خضرا + نص ملعقة كبيرة كسبرة ناشفة + ملعقة صغيرة كمون )
وحشيت الممبار نص حشوه عشان الرز هينفش ف السوا ومايبقاش الممبار مكتوم
وكنت حاطه حوالي لتر ونص مايه بيغلوا ع النار
وحطيت الممبار ممبارايه ممبارايه
وقفلت عليه حلة الضغط وسيبته يستوي بعد الصفارة طبعا حوالي ربع ساعة
وبعدين بعد ما الحلة هدت وكل بقى تمام نشلت الممبار وسيبته يصفي من الشوربة ورشيته رشة خل
وحمرته في خليط من السمن والزيت
وبما اني كنت حاطه ايدي على قلبي وعشان الامانة برده في النقل ما صورتش حاجة من دي خالص لاني كنت حاسه ان التجربة هتفشل
بس دي النتيجة بالصور
وما كان مني عندما رأيت النتيجة إلا اني ادعيلكم
روحوا ربنا يبارك فيكم ياااااااااااااااااااارب
شكرا جزيلا مرة أخرى
مواضيع هذا القسم برعاية
farkooka farkooka 241098_3.gif فتكات هايلة Fatakat 241098 الاسماعيلية بس بورسعيدية أصيلة – مصر