السلام عليكم ورحمة الله وبركاته
عايزه اقولكم طريقة المكرونه بالباشميل على طريقة مامتى ربنا يخليهالى مختلفه شويه بس لذيذه….
اولا00 نصج اللحم-نضع اللحم المفروم حوالى ربع كيلو عليه 3بصلات مبشوره وملح وفلفل وكمون وقرفه وشوية بهارات كله مع بعض على النار وبعدما تنشف شويه حطى عليها عصير طماطم وملعقتين صلصه وخليها تنضج .وكده على فكره بتكون متعصجه اخف ونفس الطعم
ثانيا.. اسلقى نصف كيلو مكرونه قلم وبعد ما تصفيها ضعى قليل من الزيت والزبده فى الحله وبعد ما يسخنوا ضعى عليهم عصير طماطم وخليها تغلى شوىه لحد ما تنضج ثم قلبى المكرونه المسلوقه فيها شويه واطفى النار.
ثالثا.. الباشميل/اما بالطريقه المعروفه الدقيق قد الزبده على النار وبعدين اللبن او بطريقتى اخف وما بتفرق فى الطعم كتير:حطى 3او4ملاعق كبيره دقيق فى حاجه تيفال او اى حله وقلبيها شويه لحد ماتحسى انه سخن وريحة الدقيق طلعت بعد كده حطى عليه3كوب لبن وكوب مرقه لو عندك وقلبى بالمضرب بسرعه وضيفى الملح والفلفل والكمون وشوية بهارات لو تحبى واستمرى فى التقليب لحد ما يغلى وتوصلى للكثافه اللى انتى عايزاها وارفعيه من على النار.
رابعا.. بعد الباشميل ما يبرد شويه حطي ملعقتين فى صينيه وافرديها فيها بعد كده حطى نصف كمية المكرونه وبعدين اللحمه المعصجه وبعدين باقى المكرونه والباشميل على الوجه وممكن شوية جبنه رومى مبشوره بتكون الذ ودخليها الفرن لحد ما الوش يحمر وبالهنا والشفا..وطبعا الافضل تستنى لما تبرد وتقطعيها على شان تكون متماسكه وتانى يوم بتكون اروع انا جربت المكرونه العاديه بس بتاعة مامتى الذذذذذذذذذذ
الى تجربها وتعجبها تدعى لى ولاولادى بالهدايه والرحمه …. مواضيع هذا القسم برعاية
ياسمينا السكره ياسمينا السكره 448901_1.gif فتكات متميزة Fatakat 448901 الدوحه – قطر
سبحان الله و بحمده