بسم الله الرحمن الرحيم
فتوكاتى التاتى كواتاتى ان شاء الله دى مكرونه بالباشاميل من مطبخى بطريقتى المتواضعه وعاوزه رأيكم فيها وياريت اللى تعجبها تعلق واللى متعجبهاش متبصش وتجرى يعنى على الاقل تدعيلى ولزوجى وابنى دعوه حلوه هههههههههههه طمع بقى شحات وبيتأمر:mood21:
نبدأ
بسم الله الرحمن الرحيم
المقادير :
1كيس مكرونه قلم
نصف كيلو لحم مفروم
بصله كبيره نوعا
طماطمايه كبيره او اتنين لو صغيره
فلفله رومى _اختيارى_
2فص توم
عدد2 بيضه
زيت او سمن
نصف ك لبن
كيس باشاميل جاهز او ممكن مجهز فى البيت وهنشوف ازاى
بهارات _اللى موجود عندك( فلفل وكمون وكسبره ورشه قرفه &ملح)
نيجى بأه للطريقه:
نسلق المكرونه فى ماء مملح مع ونضع حته سمنه صغيره عشان متمسكش فى بعضها وتتهرى وتعجن زى كده
وعلى جنب بنعصج اللحمه المفرومه بوضع معلقتين زيت فى مقلايه مع فرم البصله ناعم وبعدين نضيف الفلفل الرومى عليها وبعد كده الفص التوم كده
لما نلاقيها بدأت تصفر كده نضيف اللحمه -طب ليه لما تدبل كده عشان تفضل البصله محتفظه بسكرها فيها ومتديش مراره فى حال لو اتحرقت -وطبعا معاها البهار ونستنى شويه على الملح عشان اللحمه متكلكعش منى بالشكل ده
وبعدين عليهاالطماطمايه مبشوره او مفرومه زى ما تحبيها وهتكون بالشكل ده
كده خلاص اللحمه اتعصجت وكله تمام
نيجى بأه على الباشاميل انا استخدمت الباشاميل الجاهز ودى صورته واستخدمته بالطريقه المكتوبه على الكيس
او لو مش هتشترى يبأه هتعمليه فى البيت ازاااااااااااااااى هقولك يا اما
1_هتجيبى معلقتين دقيق وتحمريهم فى حته سمنه او زبده وتنزلى عليها باللبن ومكعب مرق والبهارات الموجوده عندك او اللى
تحبيها يا اما
3_ هتدوبى الدقيق ومعلقه نشا والبهارات بتاعتك ومكعب المرق على اللبن البارد وبعدين على نار هاديه وتقلبى لحد ماتوصلى للقوام المطلوب وبنفس طريقة التقليب فى الطريقه اللى فوق خلاص كده الباشاميل
ولو حبيتى تضيفى بيض او جبنه مبشوره او الاتنين زى ماانتى عاوزه
انا هنا ضفت بيض ليه بيض ؟؟؟؟؟؟عشان بيخليها تحمر وتاخد الوش الجراتان الجميل خلاص تمام كده
نجيب الصينيه ونبطنها بشويه بشاميل فى ناس بتفضل البايركس بس انا هنا مستخدمه التيفال كله ماشى يعنى ههههههه
وبعدين نيجى ع المكرونه وناخد معلقتين باشاميل على معلقتين لحمه مفرومه ونقلبها كويس عشان تنتشر فيها كلها تمام
نيجى بأه على الصينيه ونضع نصف كميه المكرونه ونفردها وفوقيها اللحمه
وفوقيها باقى كمية المكرونه واخرطبقه بأه الباشاميل ونفرده وانا هنا ضفت على الوش بيضه عليها شويه ملح صغيره عشان تكسر زفار البض وده شكلها
وندخلها الفرن و على حسب فرنك ممكن تاخد تلت ساعه او بالكتير اوى نصف ساعه وبعدين نطلعها تحت الشوايه تاخد الوش الجراتان ودى بعد ما طلعت من الفرن
وده طبق لاول فتوكه ترد عليا
ومتنسوناش من صالح دعائكم ويارب تكون عجبتكم طريقتى واللى عندها طريقه احسن تقوللى اهلابيها
بس بصراحه هى عجبت جوزى وحماتى وكل اللى اكل منها جربوها ومش هتندموا وابقوا قولولى النتيجه معلهش بأه اكمل رخامه واطلب طلب
بليز يا جماعه اللى تدخل ترد حتى لو بدعوه حلوه انا تعبت فى الموضوع ده اوى وياريت متنسوش التقييييييييييم يابنات حتى لو سىء مش هزعل بس حسسونى انى عملت حاجه [/size][/color][/b] مواضيع هذا القسم برعاية
مرمر ام عمر مرمر ام عمر 341939_21.gif فتكات رائعة Fatakat 341939 دمياط – مصر