بصو هقولكو خلاصه خبراتى فى المفروشات من خلال شرائي لحجاتى او مع اصحابي و هم بيشترو و طبعا كلامى من خلال وجهة نظرى انا و الحجات دى اذواق و لولا اختلاف الاسعارلبارت السلع يعنى اكيد هنختلف فى بعض الحجات فلازم نكون مدركين ان الموضوع بيختلف من حد للتانى
هقولكو الحاجة بالتدريج فى الانواع و طبعا الاسعار و اشترى على اد امكانياتك و طبعا فى اغلى كتيير من اللى هقوله و فى ارخص كتييير جدا عنه و كل حد بيشتري حسب قدرته الماديه و امكانياته و طبعا عارفيت يا بنات ان السعادة مش بالحجات دى السعادة بالوفاق و القناعه و الحب ربنا يرزقكو كلكو الحب و السعادة و التوفيق::
البطاطين:
الاسبانى فى حدود 900
السعودى حدود 650
الكورى حدود 400
الاردنى حدود 550
الاماراتى 450
التركى فى حدود 200
الصيني معاكى من اول 500 لحد 150 بس انا مش برجحه خاالص حتى لو غالى او المجد او الحجات دى
الالحفه :
كالرز مصرى ب 650 امريكان
ريتش هوم 250 امريكان و فوربد طبعا فى حدود 350
الفرق بينهم الطباعه و الالوان كالرز طباعته ملهاش زى بصراحة
فى بقي القطيفه اللى بيكون زى مفرش طبعا اشيك و ارقي حاجة فييه السورى بجد شيك جداا و قطعه جميله و كتيرة بيبدأ من الف جنيه لحد 400 و فعلا فوق الممتاز
و فى الحفه المجد فيها تشكيله كبيرة و معقولة بردو عشان اسعارها متفاوتة كمان احنا مش عندنا اختيارات كتير فى الالحفه فهيا بتبدأ من 200 لحد 600
الكوفرتات
اولا الفايبر اغلبها صيني اللى شوفته و فى منها مصري بردو هيا بتبدأ من 180 لحد 400 بس بصراحة انا شايفه ان الجو فى مصر مش محتاجها يعنى فى رأيى لا هيا صيفي و لا شتوى ةاحنا فى مصر الجو يا اما صيف يا اما شتاء بس بردو هيا شكلها شيك جداااا
الكوفرتات الاطقم :
اشيك حاجة فيها فعلا و ارقي حاجة كوفرتات اخميم هيا مش منتشرة كتيرة يعنى ممكن تلاقيها فى فروع مصر العامرية او معرض التسوق بتكون فى حدود 200 ل 250 بتكون قطن على كتان يدوي و الوانها هاديه و حلوة اوووى
فى بقي كوفرتات طالعه جديد بردو اطقم مطرزة كده و الوانها شيك بتكون فى رينج 400 او 450 و دى شييك اوووى اوووى اووووى
عندنا طبعا كوفرتات العامريه دى عاملة زى عش النمل و مرييييحة موووووت بجد المطرزة منها ب 180 تقريبا او 200 و السادة ب 120 بس بجد حلوة اوووى فى الاستخدام
طبعا اعلى حاجة التركى و دى بيعدى ال2017 و بعديه السورى معاكى من 2024 لحد 400 و بجد اشكاله كلها حلوووة اووى و فى فالمصري فوربد بس بصراحة موديلاته محدوددة اوووى و فى حدود 500 و طبعا فى حجات فى المصري بتكون جميييله و اكييييد اكييييد فى مفارش صيني بس مش عارفه عنها حاجة بصراحة
المفرش الشتوى
دا بقي مش مقتنعه بييه بتااااااتاااا دا كانو بيجيبوة زمان لما البطاطين مكنش ليها منظر لكن دلوقتى البطانيه نفسها لو فردتيها على السرير بتبقي عاملة زى المفرش لوحدها بس عموما يعنى
البطاطين الاسباني غالبا بيكون معاها مفرش السرير
او هاتيه المجد بقي فى حدود 200 ل 400
فيه منه اشكال رسومات و فيه منه سادة و نقشته بارز و غائر
الملايات
انا بثق اوووى فى ملايات مصر العامرية و فى قطنها هيا فى حدود 225 بس فوووق الممتازة
وفى الحجات اللى بتكون فى حتحوت و سيتي ستارو و كده بتكون معديه ال500
و طبعا فى ملايات مطرزات خليجيه و دى قطن جمييل و شييك اووى و كلها من 160 ل 230 و ممتازة فعلا
فى كمان ملايات شركة اسمها شيماء وياسمين تقريبا مش فاكرة بالظبط بس حلوة بردو و قيمه جداا
و طبعا فى مصانع مصري كتيييرة جمييله بس اهم حاجة الخامه و بلاش نسترخص عشان صاحبتى اشترت ملايه مرة جت تفرشها لما اتجوزت لقتها صغيرة اوووى و بقت زعلانه
بالنسبة للملايات المودرن فى ملايات كالرز دى فى رينج 300 تقريبا اقل و فى ملايات صيني المجد و كده بس انا مش برجح القطن الصيني بيبوظ بسرعه و ممكن تجيبي من محلات القماش و هو يفصلهالك بتكون اوفر و حلوة خصوصا لو عرفتى تنقي الوان مطرقعه
الفوط
طببعا اشكالها كتييير اهم حاجة تجيبيها تقيله عشان تكون حلوة فى الاستخدام و فى مصانع كتييير اووووى شغلها حلو و الفينيش شييك
مفارش السفرة
فيها استايلات كتير السورى و الهندى و تقليدهم من الصيني و المصري و مفارش اخميم الاختيارات فيها قدامك كتيير فعلا و طبعا كل واحد حسب مقدرته و ذوقه و على حسب استايل شقتك
وزيها مفارش التسريحة و الانتريه
و اخيرا عاوزة دعوة حلوة زيكو كده ان ربنا يرزقنى الزوج الصالح و الذريه الصالح عاجلا غير اجلا و قولولى رأيكو فى الموضوع و قيموه
farida010 farida010 425321_2.gif سوبر فتكات Fatakat 425321 مصر – مصر