السلام عليكم
صباح الفل علي احلي فتاتيك
تعالوا احكلكوا حكايتي بسرعة جدا معلش هرغي كتير بس استحملوني
انا كان عندي عزومة يوم التلات اللي فات وعملت كل ما لذ وطاب من الاسماك والجمبري والسبيط وخلافه لدرجة ان السفرة ما كانش فيها مكان لابرة
والحلويات تشيز كيك روعة وفاكهة وبجد الحمد لله ضيوفي اتبسطوا جدا وكان يوم جميل
وبعد ما مشيوا ودخلت نمت وصحيت الفجر علشان اصلي لاقيت عندي مغص جامد جدا وعاوزة ارجع قلت يمكن برد وحاولت ارجع يمكن ارتاح لكن لما رجعت تعبت جدا وما كنتش قادرة اخد نفسي قلت انام علي السرير لاقيت نفسي هموت والمغص زاد جدا لدرجة اني كنت بعض في السجادة "مش عارفة السجادة ذنبها ايه ؟؟؟؟؟؟؟؟"
روحت المستشفي ودخلت طوارئ والدكتور قالي نزلة معوية حادة وطلب تحاليل واشعة
والحمد لله بعد التحاليل والاشعة تبين الاتي
بكتريا حلزوني بسبة عالية 41% حصوة في المرارة ………………..وان شاء الله في اكتوبر الجاي هيجلي التهاب المفاصل اه ياني المهم الدكتور قالي لازم اعمل عملية المرارة
بس مش عارفة اعملها جراحة ولا منظار يا ريت لو حد عملها يعرفني بالضبط ربنا يخليكوا ساعدوني لاني المفروض اعملها الاسبوع الجاي بعد الالتهاب ما يهدا شوية وانا مرعوبة
يوسفاني البكواني يوسفاني البكواني فتكات هايلة Fatakat 84455 العاشر من رمضان – مصر