السلام عليكم
أنا الحمد لله حامل و فى الشهر السابع و من بداية الحمل و أنا بقى دايما مر مرارة فظيعة و فى الاول قلت يمكن علشان الشهور الاولى و كدا بس لسه لحد دلوقتى و من كتر المرارة نفسى بتغم عليا و برجع ساعات و أى حاجة بكلها بتمرر فى بقى علطول و كمان الصبح بعطس كمية عطس مش طبيعية مش أقل من ثلاثين عطسة كدا و الله من غير مبالغة و كنت سألت الدكتورة بتاعتى و قالت لى انها مش فى ايدها حاجة تعملهالى علشان دا التهاب فى الجيوب الانفية
و انا كنت عملت تحاليل دم و بول و سكر و الحمد لله مفيش سكر و البول فيه شوية صديد فقط و الدم عندى انيميا بسيطة فأنا كنت عايزة اسأل لو فيه حاجة ممكن اشربها مثلا تضيع طعم المرارة دى علشان و الله بجد تعبت أوى و الحمد لله على كل حال
moony_max14 moony_max14 فتكات متميزة Fatakat 182419 القاهرة – مصر
سبحان الله و بحمده