السلام عليكم ورحمة الله وبركاته
حبيباتى الفتوكات ازيكن
انهارده جبتلكم طريقه جديده للمايونيز
احنا عملنا التوميه من غير بيض لكن المايونيز طبعا مينفعش من غير بيض
شوفوا الصوره الاول وهنزلكم المقادير والطريقه
بصراحه المره دى مامتى هى اللى عملته ربنا يديها الصحه ويخليها
قولوا امين
المقادير زى مااحنا عارفين
بيضه
ملعقه كبيره مسترده
ملعقه كبيره خل
عصير نصف ليمونه عشان زفارة البيض
ملح وفلفل
كوب زيت نباتى
هتقولولى ايه الجديد؟
هقولكم الجديد اننا معملناهوش ببيضه كامله عملناه ببياض بيضتين
وفرق فى الطعم جدا مش بتحسى بطعم البيض نوهائى
وبيطلع زى الجاهز بنسبة 99.9% بردو
الطريقه
كل المكونات نحطها فى الخلاط ماعدا الزيت
وعلى فكره البيضه بتاخد كوباية زيت تقريبا
والخلاط شغال ننزل بالزيت خيط رفيع جدا لغاية مايتماسك
وهنا فردته عشان نزينه بالكاتشاب اللى عملناه فاكرينو؟
وهنا زينته بالكاتشاب
ودى كمان
ايه رائيكم
قلوب كمان وحركات
يلا جربوه وادعولى ولست الحبايب
واى استفسار انا تحت امركوا
فى امان الله مواضيع هذا القسم برعاية
الدنبابخير الدنبابخير 515207_1.gif فتكات رائعة Fatakat 515207 فى الدنيا الواسعه – مصر