السلام عليكم ورحمه الله وبركاته
الاول صلو علي حبيبنا وشفيعنا محمد صلي الله عليه وسلم
انا قلت افيدكم في موضوع تخزين الثوم من تجربتي لان انا كل سنه بحاول اخزنه بطريقه صحيحه وبرضه بيفضي وبيبوظ فقلت اجرب اخزنه بطريقه تانيه معروفه بس كتير بيقولو عليها صعبه وانا برضه استصعبت الموضوع دنا اما بقشر راس ثوم واحده ايدي بتولع وبتبقي ريحتها انتو عارفينها بتتشم علي بعد مترين المهم بدل مانا برغي اشتريت الثوم الجديد الاخضر ده اوانه اليومين دول طبعا منشفتوش ولاحطيته في الشمس ولا حاجه جبت طبق وكزلك وقعدت جمبه اتسلي عليه قطعت كل الزوايد اللي في راس الثوم وشلت الطين وكله مسبتش غير الراس طبعا بيتشال بالسكينه وجبت وحطيته في ميه وسبته لتاني يوم يكون ريحت من قعده التقطيع و الزهق جيت تاني يوم وجبت طبق فاضي وصفيت الميه وسبت شويه ميه صغيرين في قاع الطبق وقعدت قدام التليفزيون عشان انسيوالتكه بقه انك تشيلي الراس اللي كان فيها الطين بالسكينه اللي بتبقي مسكه حبات التوم ببعضها لما تقطعيها هتتفاجئي ان لما تضغطي علي الراس من الجمب التاني بيطلع من نفسه او ممكن تعمليها العكس هتلاقيه بيتزحلق معاكي وتحطي في الطبق النظيف وهكذا لحد ماتخلصي كل الثوم انت هتزهقي شويه لو بالك مش طويل زي بس الموضوع اسهل بكتير لما تقشريه علي الناشف لانه ببقي طازه لسه وجواه زيوت حاره بيتولع في الصوابع يعني كبيرك راسين توم وتجري تغسلي ايدك وتفرميه وتلفيه بشويه ملح وفي برطمانات زجاجيه مقفوله كويس وعلي الفريزر عدل واهو تكوني ارتحتي من تقشير الثوم مده طويله وعشان ببقي دلوقتي ارخص كتير .
ياريت اكون افدتكم ومتنسوش التقييم لو عجبكم وصلي علي رسول الله
مواضيع هذا القسم برعاية
برنسيس عفاف برنسيس عفاف فتكات هايلة Fatakat 779697 المنصوره – مصر