السلام عليكم ورحمه الله وبركاته
اولا : احب اشكر كل سيدات وبنات المنتدي اللي دعولي بظهر الغيب وهما مايعرفونيش وربنا يجازيكم خيرا ويجعله في ميزان حسناتكم جميعا ويرزق كل مشتاقه بالذريه الصالحه المعافاع من كل مرض او عيب او زياده او نقصان
ثانيا: انا عامله الموضوع ده علشان انا حامل في بنت ولكن جمجمتها العظم فيها لم يكتمل وبالتالي في جزء من المخ خارج بره والدكاتره قالوا انها مش هاتعيش لما تتولد ولو ربنا قدرلها الحياه هاتبقي عندها اعاقات كتير جدا والحمد لله علي كل اللي يجيبه ربنا وان شاء الله يعوضنا خير عن ابنتنا ويجعلها سبب في دخولنا الجنه.
وعلي فكره ده حملي الاول وانا في الشهر السابع حاليا وقررنا انا وزوجي اننا هانكمل الحمل لأنه حرام الاجهاض وكمان احنا الحمد لله راضيين بقضاء الله ورحمته ومش احنا اللي هانقرر البنت تموت امتي.. انا هاكمل الحمل عادي وربنا يقويني وبعدين لما البنت تنزل في معادها ربنا يتولاها برحمته.
ثالثا: تقييم الموضوع علشان يستمر لفتره ويبقي مكانه في اول صفحه ويسهل العثور عليه للأستفاده من تجاربكم وافاده الناس اللي ممكن تكون بتدور علي اجابات عن المرض ده
الموضوع ده علشان اللي عندها تجربه في ولاده طفل حالته بالشكل ده تحكيلنا عنه
عن رحله العلاج والادويه اللي اخدتها
ياريت الاماكن اللي عملت فيها التحاليل والدكاتره اللي كانت متابعه معاهم
هل هي وزوجها قرايب ولا لأ
هل ولدت في التاسع ولا نزلت البيبي
البيبي عاش اد ايه وهل اتعالج
ايه الاعاقات اللي ظهرت علي البيبي بعد كده
حملت تاني امتي؟
احتمالات تكرار الحاله بعد التحاليل كانت اد ايه؟
حملت عادي بعد البيبي ده ولا بالتلقيح الصناعيلتجنب مخاطر تكرار الحاله مره اخري؟؟
هل في حد في عيلتها خلف بيبي عنده نفس الحاله ولا لأ؟
منتطره التفاعل والاجابات وربنا ما يكتب علي حد يشوف بنته ولا ابنه بالمرض ده اللهم آمين
المخلصه جدا المخلصه جدا images/avatars/yellowflower.jpg فتكات متميزة Fatakat 399786 بيتنا – مصر