ازيكم يا أحلى فتاتييك قولوا وراية الاول (ربي لا تزرني فردا وانت خيروارثين ,ربي هب لي من لدنك ذرية طيبه إنك سميع الدعاء)
بما إني بأعمل منكم حاجات كتير وبتطلع جامدة قوي لما شفت طريقة الفراخ دي في التلفزيون كنت هكولها نية بعدين قلت أصبر لحسن بطني توجعني
بجد سهلة جدا وجميلة قويعملتها انهارده وطلعت حلوه قوي عشان كده هعملها الجمعه الجايه أما حماتي تيجي عشان شكلها بيطلع أحلى من الجاهز ومشرفه قوي
المهم عشان مطولش عليكم الطريقه:
المكونات :
1- فرخه مغسوله كويس وترشي عليها ملح وفلفل
2-بقدونس وشبت وتقطعهم
3- ثوم مقدار كويس(10 فصوص تقريبا )
4-جزر مقطع حلقات
5- بصل مقطع حلقات
6- 3 معالق زبدة
الطريقه:
تجيبي الفرخة وتقطعها من الظهر من جنب السلسله
وتحضري طبق تضعي فيه الشبت والبقدونس المقطع وشوية من البصل والجزر وشوية من الثوم المقطع أو المفروم والزبدة وتقلبي الخليط في بعده بعدين عليهم ملح وفلفل وبهارات اللي عندك كلها وتقلبي الخليط كله
تجيبي الفرخة وتاخدي من الخليط وتحشيه بين الجلد واللحم بتاع الفرخة في كل الفرخة والورك وكله
تجيبي صنيه فيها القليل من الزيت وعليها باقي البصل والجزر اللي قطعناة في أرضية الصنيه وتضعي عليهم الفرخة المتبله بالخليط وتتدخل الفرن على درجة 180
تسيبها شويه لحد أما تنزل ميتها وتشربها وتضيف القليل من الماء وتتركها في الفرن لحد أما تستوي وتشغلي بعد كده من فوق هتحمر وتبقى زي المشوية .
يارب تجربوها وتعجبكم واللي تدخل تدعيلي بالذريه الصالحه وإلا هسيب عليها الفرخة
يارب يرزقني ويرزق كل مشتاق أُمّال هعملكو كده اكله ببلاش
بس والله جميله اويييييي وريحتها تحفه وشكلها أحلى وطعمها اروع أنا عملت جمبها مكرونه بلبشاميل وكوسه بالبشاميل مواضيع هذا القسم برعاية
محبة الفتوكات محبة الفتوكات 137167_1.gif فتكات هايلة Fatakat 137167 فى قلب زوجى حبيبى – فى حب الله