السلام عليكم ورحمة الله وبركاته ……….
________________________________
انا متأيدة برينج معين للسعر ومش عرفه الاقي مستشفي نضيفة وسعرها حنين
محتاجة تجاربكم من ناحية اسعار الولادة الطبيعي والقيصري واسم الدكتور لان عيزة اتابع مع نفس الدكتور اللى يكون بيولد فيها ان شاء الله وطبعا نضافة المستشفي
طبعا الموضوع مش خاص بيا اكيد فيه كتير محتارين وانا سالت عن كام مستشفي وكل ما اجيب اسعار تانية هفيدكم ان شاء الله
انا بدور فى القاهرة :-
كان نفسي اولد في جمال الدين الافغاني دي فى مصر الجديدة ميدان الجامع اسعارها طبعا جميلة بس مفيش حضانات قدر الله وماشاء فعل اتصلت بيهم وعرفت
الطبيعي فيها 1120 – القيصري 2120
الرحمة فى ميدان الجامع – فيها حضانات
الطبيعي 2500 – القيصري 3500
مستشفي رابعه العدوية بمدينة نصر كلمتهم النهارده وقالى فيها حضانات ( بس حسيته مش متاكد لانه بيقولى فيها رعاية اه بس لو حاجة تانية يبقي بره المستشفي مش فهمت قصده الصراحه ياريت تتاكدوا تانى بالتليفون)
الطبيعي 1200 – القيصري 2200
لو حد عنده فكرة عن مستشفي كيدز في مدينه نصلا عند النادى الاهلي ياريت يفيدنى هي سعرها زي الرحمه بالظبط لكن لسه مروحتهاش ولا اعرف عنها حاجه
دول اللى جبت اسعارهم النهارده يارب كل اللى ولدوا قبل كدا او عندهم معلومات يكتبوا ويفيدونا وياخدوا ثواب طبعا ….
اللهم صل وسلم وبارك على سيدنا محمد
اسال الله العظيم رب العرش العظيم ان يتمم حملنا وولادتنا على خير ويرزق كل مشتاقة بالذرية الصالحة…اللهم آمين
مرمر أم رقية مرمر أم رقية فتكات متميزة Fatakat 1119920 القـــ❤ــــاهرة – مصـــ❤ــــر