اللى تعرف حاجة عن علاج الزهايمر ياريت تساعدنى
السلام عليكم ورحمة الله وبركاته
ياجماعة انا ليه واحدة قريبتى كبيرة فى السن فى الستينات كده وهى بقت بتنسى بتنسى حاجات كتير جدا مع انها ممكن تكون فاكرة حاجات من زمان جدا لكنها بتنسى الحاجات الحالية يعنى تكون رايحة تجيب حاجة وبعدين تنسى هى كانت رايحة تجيب ايه وبقت بتنسى الشوارع ممكن ماتقدرش تروح لوحدها وحاسة ان حالتها بتدهور المهم انا مش عارفة اقدر اساعدها ازاى يعنى ايه المطلوب لها وهل فيه علاج للحكاية دى ؟
كمان وهى بتصلى بتنسى يعنى قدامى صلت المغرب ركعة واحدة وقلتلها صلته برده ركعة واحدة وهى ممكن تنسى الصلاة اصلا لو محدش فكرها بيها وانا بصراحة اما آجى اقولها انت نسيتى بحس انى بحرجها قوى وبحس انها بتزعل وتحرج فبيقت بسيبها تصلى وخلاص كده حرام عليه ولا ايه على العلم انى مش مقيمة معاها ده لما بروح عندها
لو حد عنده خبرة ياريت يساعدنى وجزاكم الله خيراً وادعوا لها ربنا يشفيها
تكتكة تكتكة 155426_1.gif فتكات متميزة Fatakat 155426 مدينة الامل – فى ارض الله الواسعة