ازيكم يا فتوكات
ياريت بجد اللى تعرف حاجة عن الموضوع ده تساعدنى انا كل سنة فى نفس الوقت ده اللى هو بداية الشتاء بيجيلى كحة شديدة وتقعد معايا شهرين او تلات شهور لحد ما تروح
جربت كل الادوية الممكنة لدرجة انى اخدت حقنة كورتيزن السنة اللى فاتت طويلة المفعول وبردو معملتش حاجة ونفختلى جسمى على الفاضى
الموضوع ده بقالوا حوالى خمس سنين عندى وكل ماروح لدكتور يقولى شوية التهاب بس مفيش حاجة تقلق
بس بجد انا ببقى تعبانة اوى هى بدأت اهو اليومين دول وبتزيد كل شوية لحد ما بوصل لدرجة ان مش بعرف اقول تلات كلمات ورا بعض من غير ما اكح
دورت على النت لقيت ان الاعراض اللى عندى دى التهاب شعبى مزمن (بيجى كل سنة فى نفس الميعاد وبيقعد حوالى تلات شهور) يعنى نفس الاعراض اللى عندى تقريبا
ياريت يابنات اللى تعرف اى حاجة عن الموضوع ده تفيدنى
جزاكم الله كل خير وعافانا وعافاكم من كل مرض وسوء
noona-alex noona-alex 460193_11.gif سوبر فتكات Fatakat 460193 Alexandria – Egypt
سبحان الله و بحمده