السلام عليكم ورحمة الله وبركاته
أنا عملت النهارده صينيه بطاطس على الغدا قلت أقلكم على طريقتها بعملها تحفه والله ودا بقى تعاليم أمى ربنا يرحمها
المقادير
كيلو بطاطس
لحمه قطع
بصلتين كبار
كيلو طماطم
صلصه
ملح وفلفل وكمون
تلاثه معالق سمنه أو زبده
الطريقه
نسلق اللحمه نصف سلقه
وبعدين نقشر البطاطس ونقطعها حلقات سميكه وبعدين نجيب الصنيه
اللى هانعمل فيها ونححط البطاطس فيها ونغسلها كويس وننقعها فى المايه وحبة ملح صغننين عشان لو مسكرة
وبعدين نجيب البصل نقشرة ونقطعه حلقات ونصفى المايه اللى فى الصنيه ونحط حلقات البصل فوق البطاطس والملح والفلفل والكمون المطحون ونخلطهم كويس وبعدين عصير الطماطم والصلصه عليهم ونضيف الشوربه بتاعت سليق اللحمه علي الصنيه ونضيف الذبده أو السمنه ونظبط الملح لو دلعه حبح نحطلها حبة ملح صغننين عشان تبقى مظبوطه ونكون مشغلين الفرن أول ما نبتدى فى عمايلها وبعدين نحط الصنييه فى الرف السفلى للفرن على نار عاليه
وشمى أحلى ريحه تخلى جيرانك يجوا يكلوا عندك طعمها وشكلها تحفه
ويا رب تعجبكم
وبالهنا والشفا مواضيع هذا القسم برعاية
نرمين كمال نرمين كمال 83537_1.gif سوبر فتكات Fatakat 83537 الدوحه – قطر