السلام عليكم يا بنات
أنا بقالي من ساعة ما الأربعين خلصت وأنا محتارة أعمل ايه خاصة إني والدة قيصري فلازم أريح شوية وكمان برضع فلازم أدي بنتي حقها في الرضاعة
أنا عملت قبل كده موضوعين عن الوسائل وكنت رافضة أستخدم حاجة وقلت هرضع نظيف بس بعد الأربعين بثمن أيام لقيت الدورة جت هي نازلة خفيفة أوي مش عارفة عشان الرضاعة ولا ايه ومش عارفة هتنتظم ولا ايه
المهم أنا عاوزة كل واحدة تصوت على حاجة من دول هي مرتاحة مع ايه اكثر حاجة
اللولب النحاسي ولا الهرموني ولا حبوب الرضاعة
وايه اقلهم ضرر
انا اسمع ان اللولب عامة ممكن يعمل التهابات او لا قدر الله قطع في الرحم
وسمعت ان النحاسي بيزود الام الدورة ومدة الحيض وكثافة الدم والهرموني على العكس بيقلل ده كله بس مقابل كده هو عيبه عيب حبوب الرضاعة ان الاتنين فيهم هرمونات والهرمونات دي غلط
وعاوزة اعرف من اللي بيستخدم الحبوب هل بتخن وهل الهرمون اللي فيها ده بيتفرز في الدم وهل نسبة نجاحها عالية ولا ممكن يحصل معاها حمل
وهل ممكن الحاجات دي تعمل عقم لان اتنين قرايبي بعد ما شالوا اللولب واحدة حملت بمنشط وواحدة محملتش خالص
اعمل ايه انصحوني خاصة إني محملتش إلا بعد ثلاثة شهور من زواجي يعني الخصوبة عندي مش عالية اوي قبل الحمل
عاشقة الأندلس عاشقة الأندلس 548588_2.gif فتكات هايلة Fatakat 548588 القاهرة – مصر
سبحان الله و بحمده