ازيكم يا بناويت انهاردة جيبالكم وصفة لسه طازة عملتها انهاردة وقلت مفيش اعز منكم يفرح معايا اصلى اول مرة اعملها
والحمد لله جت سليمة وهى اللحمة الباردة
ندخل على الوصفة على طول علشان عرفاكم معندكوش خلق للكلام الكتير
لحمة تربيانكو حتة عاى بعضها حوالى كيلو
التتبيلة عبارة عن ( ملح _ فلفل اسود _ قرفة _حبهان _كركم _ كارى _زعتر _بصل بودرة _ورق لورى _روز مارى _ليمونة _شوية خل _ صويا صوص _حوالى 8 فصوص توم )
دى صورة اللحمة قبل اى حاجة
أول حاجة لفيت اللحمة بخيط متين
وبعدين بدأت اخلط التوابل وبدأت اتبل اللحمة كويس
وبعدين لفيتها كويس بالنيلون عشان طبعا التوم اللى فيها ميقلبش ريحة التلاجة وحطيتها فى التلاجة لتانى يوم
تانى يوم بقى اللى هو انهاردة اول ما صحيت من النوم بدأت فيها على طول عشان تلحق تبرد لانها لازم تتقدم باردة
المهم جبت طاسة كبيرة وحطيت فيها شوية زيت وسخنتهم اوى وبعدين حطيت اللحمة عليه عشان نقفل مسام اللحمة وعشان السوائل اللى فيها متخرجش منها وهى بتستوى وتفضل طرية
ده شكلها وهى فى الطاسة
وهنا لما خلصت خلاص
وبعدين قطعت بصل وفلفل وشوحتهم مكان اللحمة
وبعدين حطيت اللحمة عليهم وغطيتها بورق فويل ودخلتها الفرن وقعدت حوالى ساعتين
وتعرفى ازاى انها استوت دخلى سكينة فى اللحمة ولو مطلعش منها سوائل خالص تبقى استوت
اطفى عليه وسيبيها تبرد خالص عشان لو قطعتيها وهو سخنة هتتفرفت منك
وهنا لما قطعتها
وعملت معاها بطاطس بيوريه باللحمة المفرومة والبقسماط
وعملت كمان سمبوسة بنفس عجينة البيتزا
( 2 كوب دقيق _ رشة ملح _ 3 معالق لبن بودرة _ معلقة كبيرة خميرة بودرة _ معلقة كبيرة سكر _ تقريبا كوب ماء على حسب نوع الدقيق ما يختاج )
نعجنهم كويس ونسيبها تخمر ساعة وبعدين ناخد كور صغيرة ونفردها ونحشىها اى حاجة عندك انا حشيتها لحمة عصاج
وبعدين نقليها فى الزيت بتبقى طرية وتحفة ومبتشربش زيت
وأخيرا خلصت
التقييم يا فتوكات
تقيييمة قليلة تمنع بلاوى كتيرة
ههههههههههه سلام يا حلوين
مواضيع هذا القسم برعاية
& أم أدهم وجنى& & أم أدهم وجنى& 768931_4.gif فتكات رائعة Fatakat 768931 الدوحة – قطر