اليوم حبيباتى جايبالكم طريقة اللحمة الباردة بالصوص البنى بناءا على طلب حبيبة قلبى
الجميلة O.o ~~** Tota De Omry ** ~~ O.o
نروح للطريقة والمقادير
عرق لحمة كامل او مقسوم نصين براحتك
فصوص توم صحيحة
فلفل اسود
ملح
حبهان مطحون
الخضار بتاعها
بصل حلقات
فلفل اخضر مقطع
طماطم مقطعة
كوب ماء
خيط دبارة او اى خيط للف اللحمة
الطريـــــــــــــــــــقـــــــــــــة
نجيب العرق بتاعنا ونعمله فتحات متباعدة بطرف السكين وندخل فى كل فتحة فص توم
ونتبل العرق بالملح والفلفل الاسود والحبهان المطحون ونلفه بالدبارة
ونحمره من جميع الجهات على البونجاز من فوق فى حبة زيت قليل
ونجيب الصينية ونفرش الخضار اللى قولنا عليه البصل والفلفل الرومى الاخضر والطماطم وكوب الماء ونضع اللحمة عليهم
ونغطيه بالفويل وندخله الفرن لمدة نص ساعة على نار عالية ثم نوطى النار حتى تستوى تماما بان بتدخلى فيها سكينة وتلاقيها طرية واستوت
ثم لما تستوى نشيل الفويل وناخد الصوص اللى نزل منه مع الخضار ونضع اللحمة فى الفرن تانى ونشغل الشوايه لتتحمر
وناخد الخضار ده مع صوص اللحمة ونضربه فى الخلاط كله مع بعضه ونحطه على النار يسخن او تسبيه على جمب وتسخنيه ساعة التقديم (وهو ده الصوص البنى)لاننا حنسيب اللحمة تبرد خالص حتى نقطعها علشان ماتتبهدلش
ولما اللحمة تتحمر نخرجها ونسيبها تبرد ونشيل الخيط ونقطعه بسكينة حادة الى شرائح ونصب عليها الصوص البنى بتاع اللحمة اللى عملناه
فى حفظ الله ياقمرات
اتمنى اكون افادتكم ولو بالقليل
تطبيق أحد العضوات للوصفة
==============
المشاركة الأصلية كتبت بواسطة O.o ~~** Tota De Omry ** ~~ O.o 
شكشوكه حبيبتى
ده تطبيقى للحمه يــــــــآرب يعجبك هو طبعا مش زى جمال بتاعتك بس ماشاء الله كانت جميله جدا وسهله وعجبت جوزى وبنوتى تسلميلى يارب بس الصوص طلع فاتح شويه مش بنى مش عارفه ليه يمكن علشان كنت مزوده طماطم شويه أه وكمان انا مش حاطه صوص كتير ع اللحمه لان الفلفله الرومى طلعت حراقه وانا ماليش انا وبنوتى فى الحراق هههههههههة بس الصوص عجب جوزى أوى حطيتله فى طبق جانبى مع اللحمه وكان مبسوط اوى كمان انها متحمره شويه أه انا قطعتها وهى دافيه علشان كده مشققه شويه تسلم إيديكى أنا مبسوطه إنى عملتها ومبسوطه أكتر لانى لما طلبتها منك ما اتاخرتيش تانى يوم لاقيتك بعتالى موضوع اللحمه جزاك الله خيرا وربنا يجعله فى ميزان حسناتك بحبك فى الله
مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر