انتقل إلى المحتوى
السلام عليكم
ازيكو يا حبايبى
انا عملت مش وطلع تحفه الحمدلله
فقولت lمش مهبخل على حبيباتى بالطريقه ومعتقدش ان حد يعرفو لان المش ده مش زى المش العادى
مره ماما عملتهولى واخدتو معايا المدينة البنات استغربوه اوى بس عجبهم الحمدلله
المهم
المكونات
لبن ( انا كان عندى حوالى كوبايتين لبن ) ولو اشتريتى لبن وقطع معاكى مترميهوش اعملى بيه الطريقه دى
جبنه حادقه براميلى او اسطنبولى المهم متبقاش الجبنة القديمة الصفرا دى ( حوالى 1/8 كيلو لكوبايتين اللبن )
وممكن جبنة قريش برضو
فلفل حامى او بارد زى ما تحبى
قشر سوفنديايه ( اختيارى)
ملح
الطريقه
تجيبى برطمان وتحطى فيه اللبن (بارد)وحتة الجبنه والفلفل ( لو القرن طويل قطعيه لكن لو قصير حطية زى ما هوا )
وقشر اليوسفيايه ورشة الملح ( خدى بالك علشان الجبنه حادقه ) واقفلى البرطمان كويس وحطيه فى المطبخ لمدة يومين تلاته كده
ودوقى بقى احلى مش وكمان الفلفل هيتخلل فيه ويبقى جامد
انا بحب الفلفل يبقى حامى بصراحة بيبقى خطير
انا بجيب طبق واحط فيه مش واقطع طماطماية مكعبات وحبة زيت زيتون ورغيف بلدى سخن واديها بقى يا معلم
كان نفسى انزلكو صور بس مش راضى يرفع اى صور خالص للاسف
يلا فى امان الله مواضيع هذا القسم برعاية
مجرد شخابيط مجرد شخابيط images/bigsmilies/mood6.gif فتكات هايلة Fatakat 746644 العريش – مصر
سبحان الله و بحمده
