السلام عليكم ورحمة الله وبركاته
انا جايبالكم النهارده اللانشون البيتى يارب يعجبك وينول رضاكم
انا هاقولكم على مقادير بسيطه جدا تجربوا فيها مره وان عجبكم ابقوا بعد كده ضاعفوا المقدار زى ماتحبوا وانا ماعجبكوش ولا كانكم سمعتوا حاجه هههههههههههه
4 بيضات
4 ملاعق كبيره دقيق
4 جبنه نستون وممكن اقل زى ماتحبى
4 ملاعق لحم مفروم وممكن برده تقللى
2 مكعب مرقة دجاج او لحمه
4 فصوص ثوم
ثلث كوب زيت
لون احمر من العطار زى الالوان اللى بنجيبها نلون بيها الكريمه وكمان ذرة ملح او ظبطى الملح
تمام كده ندخل فى الموضوع
هتجيبى الكبه وتحطى البيض مع المرقه وتضربى وبعدين تحطى الثوم المفروم ناعم اوى وتضربى وبعدين الزيت والدقيق واللحم المفروم واللون بس خلى بالك ذرررررره صغيره جداااااااااا وبعدين تحطيهم فى طبق وتحطى فلفل اسود مش مطحون للتجميل والطعم وتقلبى
تفرميهم كويس اوى وتحطيهم فى كيس زى كده والكيس هياخد المقدار ده كله
كيس ثلاجه هتلفيه كده وتقفليه كويس بسلوتيب وبعدين تحطيه فى كيس تانى وتقفليه كويس اوى برده
وتلفى كده
وبعدين تحطى حله على النار فيها ميه بتغلى وتحطى فيها الكيس وتقفلى الحله على نار وسط لمدة ساعه ونصف او لحد ماتضغطى على الكيس تلاقيه جمد معاكى شويه
ودى صوره وهو على النار
ودى صوره بعد ماخرج
وخلى بالك تحطيه لما يبرد وعينيه لتانى يوم لان طعمه بيبان اوى وبيحلوا لما يقعد فتره مش حلو خالص وهو سخن
هنا صوره ليه قبل كده كان لونه ابيض تحسى انه لانشون دجاج
ودى صورته ولونه متظبط
يارب موضوعى يعجبكم
ومش طالبه غير انك قبل ماتقيموا الموضوع لو عجبكم
طالبه دعواتكم بان ربنا يباركلى فى زوجى واولادى ويبعد عنهم السوء مواضيع هذا القسم برعاية
yossef yossef yossef yossef 301437_1.gif فتكات غالية قوي Fatakat 301437 دمياط – مصر
سبحان الله و بحمده