السلام عليكم ورحمه الله وبركاته
ازيكو يا احلى فتوكات و احلى شيفات
انهارده عامله لكو طبق كوسة بالبشاميل و هى اكله مهمه جدا للأطفال بشكل خاص خصوصا بقى لو مش بيحبو الكوسه بالطريقه دى هيعشقوها ان شاء الله
بصل – ورق لورا
جبن تركى (رومى) مبشور
كوسه متنضفه و متقطعه حلقات
مايه هنحطها تغلى
ونحط عليها الكوسه بمصفاه تاخد نص سوا على البخار
هنبشر البصل و نحط معلقتين زيت و ملح وفلفل و نقلبه تقلبتين
هننزل باللحم المفرومة و نحط عليها ورق لورا
هنستنى اما تستوى اللحمه ويتغير لونها و نطفى عليها
البشاميل : تلات معالق دقيق – كيلو لبن – مكعبين ماجى – فلفل اسمر
هنجيب الصينية وندهنا بطبقه بشاميل خفيفه
هننزل باللحمه بعد طبقه البشاميل
تالت طبقه هتكون مقدار الكوسة كامل
هننزل بالبشاميل كله على الوش و نرش الجبنه من فوق
هتلاحظى وهى فى الفرن هتنزل كميه الميه اللى جوه الكوسة سيبها لحد ما تتشربها ووشها يحمر وطفى عليها
وده طبق اول فتوكة ترد
ومش عاوزه تقييم عاوزه الدعوه الحلوة اللى تحت دى
و دعوه حلوة بصلاح الحال و رضا ربنا ينزل عليا انا وجوزى والبنوتين و يدخل الهنا والسرور على قلوبنا و يخلينا من عباده الصالحين ( اللهم امين)
مواضيع هذا القسم برعاية
Crazy Frog Crazy Frog 437527_2.gif فتكات هايلة Fatakat 437527 اسكندريه – مصر