السلام عليكم ورحمة الله وبركاته
كل سنة وإنتو طيبيييييييييين
وعيد سعيييييد ومبارك عليكو يااااااااارب
طبعا الناس كلها أكلت النهارده لحمة
بس أنا بقى طلعت فى راسى أعمل كبسة فراخ
وعملتها طبببببببببببعا بطريقة القمر سقيعة
و ده لينك الموضوع الأصلى
الكبسة بالصورررررررررررررررررhttps://fatakat.univanet.com/#879594
ودى خطواتى باختصار كده مع الصور يارب تعجبكم
1- نغسل الفرخة كويس وننقعها شوية فى ملح وليمون
2- نتبل الفرخة بـ: معلقة كبيرة بهارات مشكّلة ومعلقة كبيرة
ملح ومعلقة صغيرة توم بودرة ونص ليمونة
ونتبلها لمدة ساعتين
3- نجيب الحلة ونحط فيها زيت وزبدة
4- وهنحط فيها الفراخ ونقلبها لحد ماتاخد كلها لون وتكون النار
عالية ولما تاخد لون نهدى النار عليها خالص ونسيبها تستوى
للآخر وبتاخد وقت مش كبير
5- نجهز جزر مبشور وبصل مقطع مكعبات صغيرة او مبشور لو
تحبو وفلفل حار
6- نحط البصل والجزر والفلفل فى حلة تانية بس بنفس زيت
وزبدة قلى الفراخ
وأنا زودت شوية زيت كمان لان زيت وزبدة الفراخ كانو اغمقّو
اوى من توابل الفرخة وبعد مايدبلو نضيف 3 مكعبات ماجى
وفلفل اسود
7- نجيب فحم ونولعه ونحطه فى الحلة على البصل والجزر
والفلفل وماجى والفلفل الاسود ونغطى الحلة بسرررررعة
ونسيبها شوية لحد الفحمة تتطفى
8- هنكون بقى ناقعين الرز فى ميّه وبعد مانشيل الفحم من
الحلة نضيف مية الرز ونسيبها لحد ماتغلى
9- بعد ماتغلى نضيف الرز بقى
10 – لما الرز يغلى نحط ع الوش الفراخ ونهدى النار خاالص
ونسيبهم بقى مع بعض شوية لحد ماالرز يستوى
11- و دى شكل الكبسة فى الاخر وطببببببعا هى مش هتوصل
لكبسة الجميلة سقيعة
يعنى على أدّى شوية
12- و دى من قريب شوية نظام تجويع يعنى
والطعم بجد مالوش حلللللللللل
وشكرا ياسقيعة ياقمر على وصفاتك الهايلة
ربنا يبارك فيكى يارب وعيد سعيييييييد عليكى ياقمر
بحبكم فى الله مواضيع هذا القسم برعاية
أونو حياتى أونو حياتى 98111_3.gif فتكات ست الكل Fatakat 98111 رحمة ربنا – ***دولتى أنا***