السلام عليكم ورحمه الله وبركاته
ازيكم يا احلى بنات واحلى ستات فى الدنيا
جايبالكم النهارده بقى الكبده الاسكندراني اللى على اصولها واكيد بالصور
احم احم اصل اختكم اسكندرانيه ابا عن جد
ان شاء الله اللى هتاخد منى الوصفه دى هتبطل تشترى كبده من بره لانها اولا احلى وثانيا انضف بكتييير من اللى بره
المقادير
كيلو الاربع كبده
راس ثوم متوسطه
فلفل اخضر حرااااااق
ملعقه صغيره ونصف ملح
ملعقه صغيره ونصف كمون
ملعقه صغيره بهار عباره عن كزبره ناشفه وشطه وكمون
نصف فنجان صغير خل
الطريقه يا مزه انتى وهى
دى المكونات زى ما قولنا بس انا هنا دقيت الثوم مع الملح والكمون والبهارات فى الهون والكبده والفلفل الاخضر لو مش بتحب الحاجه حراقه حطى فلفل رومى
حطى الطاسه على النار وفيها شويه زيت حوالى كوبايه الاربع وسيبيه يقدح اهم حاجه الزيت يقدح اوى وبعد كده حطى الثوم المدقوق
دقيقه كده
وحطى نصف فنجان الخل بتاعك
وبعد كده حطى الكبده بتاعتك مع التقليب
فى نصف السواء يعنى بعد اربع خمس دقائق كده حطى الفلفل الاخضر وسيبيها لحد ما تشرب ميتها
وتبقى بالشكل ده متنسيش الليمون
وبجد يا جماعه روووووووعه احلى كبده ممكن تدوقيها
ملحوظه قلبوظه
وانتى بتغسلى الكبده متحطيش ايدك فيها خالص لييييييييييه ؟
علشان هتبقى زفره
تحطيها فى مصفاه وبالشوكه او بالملعقه تحت الحنفيه وتقلبى لحد ما تنزل الدم بتاعها وتسيبها تتصفى
اتبعى المقادير دى لكيلو الا ربع كبده وهتبقى تحفه
لو نصف كبده يبقى ملعقه صغيره ملح
ويـــــا رب تعجبكم
مش هقول قيموا والكلام ده
لو شايفين الموضوع يستاهل التقييم قيموا
وانا يكفينى دعوه حلوه بفك كربى وصلاح حالى
وادعولى بالزوج الصالح
فى رعايه الله يا احلى قمرات
مواضيع هذا القسم برعاية
الصبا والجمال الصبا والجمال 112716_18.gif فتكات ست الكل Fatakat 112716 فى بيتنا – مصر