كيفكون حبايب قلبي انا كنت كاتبة موضوع الكبة المقلية وكيف طريقة تجهيزها
وبما انو عرفتو الطريقة الاساسية لتجهيز الكبة صار بامكانكم تحضير كل انواع الكبب واللي ما تابع الطريقة هي الرابط شوفوها بعدين كملو https://fatakat.univanet.com/#677078
والآن نتابع مع اللبنية
يعني الكبة باللبن
وفعلا بنصحكم تجربوها كتير طيبة
المقادير:
– كيلوا لبن زبادي
– 3 ملاعق نشاء ناعم كبار مذوبتان في كوب ماء أو مرق اللحم(حسب الرغبة)
– ملح
– بيضة
-أقراص كبة محشية
(طبعا نفس اقراص الكبة المقلية بس لازم يكون حجمها اصغر والحشوة فقط لحمة ناعمة لحمة مقلية دون البصل وكمان لازم نثقب القرص من الوسط بأي شي حاد متل سيخ لحمة الكباب المشوية مثلا حتى يوصل اللبن لداخل القرص )
طبعا بالنسبة لاقراص الكبة
في ناس بيقلوها نص قلية ويصفوها تماما من الزيت بعدين ينزلوها اللبن
و في ناس بيسلقوها بماء مغلي مع ملح مدة عشر دقائق وكمان بيصفوها بمصفاة قبل ما ينزلوها اللبن
و في ناس بيحمروها بالفرن شوي مو كتيرحتى تتماسك بس
وفي ناس بينزلوها نية فورا باللبن
وانا بفضل انونغلي ماء و ملح ,, و بعد ما يغلي تماماً نضع فيه كم قرص .. ما نكثر الكمية لحتى ما ينتزعوا و نخليهم يغلوا مدة 5 دقائق تقريباً – نرفع القطع على مصفاية …حتى يصفو تماما من الماء
وطبعا كل واحد له طريقة يختارها
و بالنسبة لعدد الاقراص كل ست إلها حرية الاختيار في ناس بيحبو الكبة اكتر من اللبن وفي ناس بيحبو اللبن اكتر
انا بحب الاعتدال
الطريقة :
1- نخلط اللبن والنشاء والبيضة في خلاط كهربائي (نخلطهم جيدا)
2- نضعهم في طنجرة سميكة القعر حتى لا يلصق اللبن او (طنجرة تيفال)
3- نوقد النار العالية ونستمر بالتحريك المستمر باتجاه دائري واحد حتى لايفرط اللبن
4- نستمر بالتحريك دون توقف حتى يغلي اللبن
وطبعا لازم نركز ملح اللبن وندوقو
وبس يغلي اللبن حتلاحظي أن اللبن بدأ يسمك ..لازم نشوف سماكتو يعني لازم ما يكون جامد كتير ولا مريق كتير وسط وان كان جامد نضيف القليل جدا من الماء
و أكيد كل ست بتعرف هالشغلة
وكمان في ناس يضيفو بعد غليان اللبن شوية نعنع يابس وشوية توم مدقوق للنكهة
وفي ناس بيضيفو شوية طرخون متل بيت حماي ههههه
اما انا ما بحب ضيف شي ابدا بحب نكهة اللبن مع الكبة بس بدون اي شي
5 – نضيف اقراص الكبة قرص قرص وشوي شوي حتى ما ينتزعو ونحرك تحريك خفيف جدا وعلى نار متوسطة مدة عشر دقائق
بس انتبهي لأن اللبن ممكن يعلق في الطنجرة إذا تركتي اللبنية كتير على النااار
6-نسكب الكبة في صحن عميق ونعدلها حسب الرغبة في كل صحن ثم نضيف فوقها اللبن
بهالصورة ضايفين نعنع يابس
اما انا ما بضيف شي بحس كل الطعمة بتتغير هههههههه
وصحتين وعافية للجميع
وانا منتظرة ردودكم وجاهزة لاي استفسار مواضيع هذا القسم برعاية
زهرة الغاردينيا زهرة الغاردينيا 266932_1.gif فتكات متميزة Fatakat 266932 دمشق – سوريا