السلام عليكم اخواتى
النهردة حقولكم على احلى وصفة اتعلمتها من اهل جوزى وهى حاجة طعمة اوى اسمها الكبابى دة اسمها فى العيلة ولازم كل خميس يعملوها مع قلقاس وبط عز بقى ربنا يسهلهم اصل عيلة جوزى جزارين فبيحبوا اللحمة اوى علشان كدة بيعملوا الوصفة دة ودية صورتها
نجى بقى للمقادير
اولا:نجيب نصف كيلو لحمة او ربع حسب احتياجاتك بس مش لحمة مفرومة لحمة حتت وتكون حمرة مش فيها دهنة خالص
ثاتيا:نجيب للنصف كيلو لحمة 3كوب ارز اما للربع كيلو لحمة 2,5كوب ارز مغسول ومنقوع شوية ومتصفى كويس من المية
ثالثا:بصلة وفصين ثوم وحزمة كسبر وشبت اخضر لازم كسبرة مش بقدونس
وملح وفلفل وبهرات
رابعا :" واحلى حاجة البهريز (قلب المواسير او العظم بتاع رجلين العجل )ودية بتجبيها من عند الجزار وتقوليلة يكسر العظم والطلع البهريز لانك حتحشية بيها الكبابى
الطريقة
انا بحط اللحمة والرز النقوع ومتصفى والبصلة وفص التوم والخضرة فى الكبة وبضرب لغاية ميبقة عجينى حلوة اما اللىمعندهاش الكبة ممكن فى مطحنة الفلفل والسكر تطحن الارز الاول بس ملحوظة مهمة اوى مطتحنيش الارز اوى يعنى يكون يدوبك طحنتين بس ويكون محبب وممكن يكون فى رز لسة مطحنش وصحيح فى المطحنةوبعدين ترجعى تطحنى اللحمة مع حتة بصلة وتوم وخضرة وتحطى كل اللى طحنتية من رز ولحم وخضرة مع بعض وتعجنى تانى لغاية متبقى عجينة مش ناعمة اوى لازم تكون خشنة شوية وبعدين تحطى البهرات والملح والفلفل وتعجنيها كويس وزى منتوا حتشوفوا الصور
ودة بقى البهريز اللى ححشى بية الكبابى
نبتدى ناخد حتة عجينة وياريت يكون جنبا طبق فية شوية ماية نبقى نبل ادينا مية وقرص بة العجينةزى كدة فى الصور
وبعدين نحطها فى شربة كانت فاضلة عندك او ماية حطتلها مكعبين مرقة وفصين مستكة وحبهان وورق لورا وتسبيها تستوى فى الشربةاو المية وبعدين طلعيها حمريها فى الزيت
ودية صورة الكبابى بعد مستوت جزء حمرتة وجزء سبتوة مسلوق بس اصل جوزى بيحبها مش متحمرة
شيفين حلوة ازتى ومسكة نفسها مش بتفك ولا حاجة ولو حتلحظوا ان الرز مش مطحون اوى لسة خشن
ودية صورة من قلبها علشان تشوفوا وبنتى تفتحها البهريز فيها عامل عميلةروعة وطعمة اوى
يارب تكون عجبتكوا وجربوها مش حتبطلوا تعملوها لانها روعة وطعمة جدا جدا ومتنسوش التقييم والدعاء لى ولجوزى واولادى مواضيع هذا القسم برعاية
&ام رحمة& &ام رحمة& 75114_1.gif فتكات هايلة Fatakat 75114 الاسكندرية – مصر