مساء الخير يا احلى صحبه انا جيبالكم طريقه الكنلونى بالعصاج والبشاميل هختصر فى الكلام علطووووول اهو
اول حاجه تحضرى العصاج عادى خالص
بعد كدا هنعمل بشاميل خفيف بدون بيض يعنى
معلقه زبده ولما تغلى نحط عليها معلقه دقيق وكبشتين لبن والتوابل ملح وفلفل ورشه جوزه الطيب ضرووووورى ومكعب مرقه لحم وادى البشاميل
ودى بعد ما حطينا على البشاميل المرقه ورشه جوزه الطيب والملح بفلفل ( انا مش هحرمكوا من حاجه اهو اياكوا بقى تنسوا التقييم)
بعد كدا هننزل بالبشاميل على العصاج بتاعنا لحد ما يبقى بالقوام حلو وماسك نفسو بالطريقه دى اهو
نسيبهم بقى على جنب يبردوا وننحضر الكنالونى
المقادير
معلقه زبده
كوب وتلت لبن
كوب دقيق
رشه جوزه الطيب
ملح بفلفل
3 بيضات
هنحط كلو فى الخلاط ماعدا الدقيق ونضرب كويس بعد كدا ننزل بالدقيق شويه شويه كلو فى الخلاط دى المقادير فى الخلاط (اياكوا تنسوا التقييم هقطعكوا )
تجيبى طاسه تيفال هتحطى نقطه زيت بس واول مره بس وتسخنيها شويه وتحطى فيها من السائل بتاعنا كبشه مش مليانه اوى بس تحسى انها غطت كل الطاسه بالشكل ده
وتسيبيها ثوانى لحد ما الحرف يحمر شويه وتقلبى بالمقصوصه او معلقه خشب (اتصرفى بقى مش عرفه اصور وانا بقلب) هههههههههههههه
نفس النظام لحد ما تخلصى كل الكميه كدا تطلعيهم على حاجه بلاستيك او خشب وتغطى بفوطه ناشفه عشان مينشفش
هنجيب بقى واحده واحده ونحط فيهم جزء من حشوه العصاج بالبشاميل بتاعتنا وتلفيها رول ذى ورق العنب بس منغي ضم الجناب يعنى لفى على الحشو بس
لحد ما تخلصى كل الكميه ورصيهم فى صينيه منغير دهان ولا اى حاجه كدا
شيفيين شكلوا حلو ازاى ولسه لسه استنى الاحلى جاى ورا (ابقى اطلعى من غير تقييم بقى)
هنجيب طبق ونحط فيه شويه جبنه موتزريلا او رومى مبشور او شيدر مبشور اى حاجه وعليهم حتتين جبنه نستو اى نوع بقى وشويه لبن وطمطمايه مبشوره وملح بفلفل واعجنى العجنه دى كويس وافرديها عليهم(ودى بقى التكه والفكره الى بتدى طعم جميل)
دى المكونات الى قلت عليها اهى فى الطبق
وهنا لما فردت الخلطه دى عليه الخلطه دى بتديلو طعم حلو اوى وطراوه ملهاش حل رشيت شويه موتزريلا ورشه زعتر ناشف
وعلى الفرن عدل درجه متوسطه يادوبك 5 دقائق بالكتير وتولعى الشوايه بعد كدا عشان تحمرلك الوش ودا الشكل النهائى تتتتتا
ها ايه رايكوا بقى عجبتكوا ايوه هتجرى بقى وتطلعى من الموضوع ولا هتعبرينى (اياكم ونسيان التقييم انا بقالى ساعه بنزل فى الصور )عشان خاطرى متنسوش التقيييييييم
تصبحوا على خير يا احلى صحبه لاحلى مدونة
مواضيع هذا القسم برعاية
shosha1307 shosha1307 56593_3.gif فتكات هايلة Fatakat 56593 الزقازيق – مصر