السلام عليكم ورحمه الله وبركاته
النهارده هورلكم طريقه عمل الكانيلونى باللحمه المفرومه بطريقه سهل وبسيطه
المقادير :
2كوب دقيق – 1ونص كوب لبن – 3 بيضات – ملح وفلفل
للحشو :
لحمه مفرومة – بصل مبشور – توابل ( انا شخصيا بحب احط قرفه وقرنفل وكمون وجنزبيل ونعناع ) درج التوابل كله بينزل
الطريقة : سامحونى لانى فى خطوات نسيت اصورها
الاول بنحط الدقيق على اللبن مع الملح والفلفل والبيض وبنقلب كله مع بعض ونضربه بالمضرب
وبعدين نصفيه بالمصفى علشان لو فى حاجه كلكعت هتلاقيها سايله معاكى متخافيش هو دا المطلوب
ثانيا نجيب مقلاية والافضل لو تيفال علشان مايلزقش
نحط فيها فيها قليل من الزيت وناخد حبه من العجيبه بوعملها زى ما بنعمل الاومليت بالظبط ونقلبه على الناحيتين علشان يتحمر
طبعا الحجم دا بيرجعلك والافضل يكون حجم وسط
ثالثا خلاص كده حمرنا الكانيلونى نبدأ فى تحضير الحشو وسامحونى لانى نسيت اصور اخر خطوه
هنعصج اللحمه بالطريقه العاديه وهى بصل مبشور نحمره فى زيت وبعدين نحط اللحمه المفرومة ونحط التوابل والملح الفلفل
ونسبها على النار مع التقليب لحد ما اللحمه تستوى
رابعا هنجيب قرص الكانيلونى ونفرده فى طبق ونحش الحشوه فى النص ونلم القرص من الجوانب وبعدين نلفها للاخر
زى لما بنعمل المحشى بالظبط نفس الفكر ( الحشوة تقدرى تغيريها زى ما انت عايزه ممكن فراخ او جبن او بسطرمه زى ماتحبى )
واخيرا بنرص الكانيلونى فى صينيه وندخلها الفرن على الشوايه من فوق
وبندهن الوش بصلصه وممكن نرش عليه جبنه رومى او شيدر المتوفر عموما لحد ماتتحمر
وبالف هنا .. يارب تعجبكم
مواضيع هذا القسم برعاية
*ايمى هانم* *ايمى هانم* 57188_14.gif فتكات غالية قوي Fatakat 57188 بورسعيدية وافتخررر – بتنا