موضوعنا النهاردة تشكيلة حلوة من البحريات
الكابوريا .. الجمبري المسلوق ..
شوربة السي فوود …
هقولكم بالتفصيل
خليكوا معايا
نبدأ باسم الله
أولاً : الجمبري الكبيرالمسلوق بقشره
نشوح بصلة وفصين ثوم في ملعقة زيت
وبعدين نضيف عليها
الجمبري بعد تنظيفه كويس ونشيل حبل الرمل
من الظهر
( الجمبرياية اللي فوق الملعقة باين فيها
الشق اللي معمول في الضهر عشان اشيل منه
حبل الرمل )
ونشوحه لحد لونه مايبقى برتقالي
ونضيف عليه كوباية مية كبيرة
وكمون وملح وثوم بودرة
وورق لورا , وعصير نصف ليمونة
ونسيبها ع النار المتوسطة
لمدة نص ساعة تقريبا
ودة شكل الجمبري بعد ما اتسلق
وصفيناه من الشوربة
ونرش عليه الكمون وعصير الليمون
ودي الشوربة بتاعته
بصفيها من البصل
واقدمها بتعجبهم جدا
ثانياً : الكابوريا المسلوقة
نفس الطريقة بتاعة الجمبري بعملها للكابوريا
نغسلها كويس اوي
ونفتح الباب اللي فيها وننظف جواه بفرشة
خاصة بالمطبخ
وبعد كدة
بشوحها في بصل وثوم
لحد لونها مايقلب على برتقالي
وأضيف كوباية كبيرة مية
والملح والكمون والثوم البودرة
وورق اللورا , وعصير نص ليمونة
واغطيها واسيبها
تغلي على نار متوسطة لمدة نص ساعة
ودة شكلها النهائي
بعد ما استودت
ثالثاً : شوربة السي فوود
ننظف السبيط والجمبري والكابوريا
وقطع السمك الفيليه
نشوح بصلة في حلة ع النار
ونحط عليها تشكيلة البحريات
ونشوحها مع بعضها لمدة خمس دقايق
وبعدين نضيف عليها كوبايتين مية كبار
والملح والكمون والثوم البودرة
وبعدين نضيف عليها كوباية ونص من ظƒط±ظٹظ…ط© ط§ظ„ط·ط¨ط®
ونسيبها تغلي على نار هادية نص ساعة تقريبا
لحد تبدأ تظهر العلامة الصفرا فوق الوش
نطفي عليها ونغرفها وقت التقديم
ودة شكلها
تحياتي لكم
(بنت بطوطة)
مواضيع هذا القسم برعاية
بنت بطوطة بنت بطوطة 114954_8.gif يـــارب صــبرنا Fatakat 114954 جدة – السعودية