انا جربت طرق كتير للفطير المشلتت بس كانت بتبوء بالفشل وبعد تجارب كتير وكمان تشغيل الفكيرة توصلت لطريقة جميلة ونتيجتها تحفة وبشهادة الجميع واولهم حماتىوهتلاقوها كمان مش مكلفة لو قارنتيها بالاسعار برة ندخل فى المقاديركيلودقيق[هيعمل فطرتين كبار]نصف كوب سكر وذره ملح وماء للعجن زبدةمخبوزات مرجرين[ودى بتتباع عند محلات بيع لوازم الحلوانيةب9جنيةالكيلو]وتمن كيلو قشطة او كريمة لبانى ندخل فى الطريقة نخلط السكر مع الدقيق مع ذرة الملح ونبدا نضيف الميا واحدة واحدة ونلت ونعجن لغاية ما تتكون عجينة متوسطة الليونة لاهى طرية ولا ناشفة وبعدين نسيبها تريح تلت ساعة وبعدين ندهن الرخامة زيت ونقسم العجينة على نصفين ناخد النص الاول نفردةبالنشابة او الزانة وبعدين نقطع الزبدة شرايح ونحطها فى وسط العجينة وبعدين نقفل الجوانب الاربعة عليهاكانها ظرف وبعدين بالراحة نفردها تانىوبعدين نقفل الجنبين وبعدين نقلبة على بعض يعنى كانة 4طبقات وبعدين نطبقهاوتبقى مربع صغير مطبق معلهش مفيش حد بصورنى وانا بعمل نفس الطريقة مع القطعة التانية وبعدين هنتعبك شوية وندخلهم التلاجة ربع ساعة وبعدين ناخدها ونفردها ونقفلها زى المرة اللى فاتت ونفس الكلام مع الفطيرة التانية ومتقلقيش لو لقيتى الزبدة ظهرت اولزقت المهم انك تدهنى قبل ما تفردى وبعدين ندخلها التلاجة ربع ساعةوالموضوع دا 3 او اربع مرات من غير ماحد يضربوفى اخر مرة بعد ما نفردها ونطبقها نحاول نخلى المربع دا دايرة ومتخفيش مش هياثر على الطبقات وبعدين افردى الدايرة دى على اد الصنية انا بعملها فى صنية البيتزا وافرديها كويس جوا الصنية وبعدين هاتى القشطة او الكريمة اللبانى وحطى عليها معلقة سكروادهنى بيها وش الفطيرة ودخليها فرن ساخن هتلاقى وشها ما شاء اللة على جدا واول ما يحمر الوش كويس طلعيها ودوقى احلى فطير مع العسل السود والجبن اوالبيض المسلوق
مواضيع هذا القسم برعاية
ghada75 ghada75 فتكات نشيطة Fatakat 295851 alex – egypt